ديوان (الوزن الثقيل) الشاعر/سلطان بن وسام.....!!!

يتعلق بشعراء القبيلة القدماء والمعاصرين


إضافة رد
 
أدوات الموضوع انواع عرض الموضوع
#1  
قديم 03-23-2010, 06:25 PM
ذيب الجوف
مراقب عام سابق
ذيب الجوف غير متواجد حالياً
قـائـمـة الأوسـمـة
المركز الثاني مسابقة سوريا

شاعر الغزل

لوني المفضل Brown
 رقم العضوية : 129
 تاريخ التسجيل : 8 - 7 - 2008
 فترة الأقامة : 3443 يوم
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم : 141
 معدل التقييم : ذيب الجوف will become famous soon enough ذيب الجوف will become famous soon enough
بيانات اضافيه [ + ]
Oo5o.com (4) ديوان (الوزن الثقيل) الشاعر/سلطان بن وسام.....!!!




بسم الله الرحمن الرحيم
السلام عليكم ورحمة الله وبركاته
أسـ ع ـد الله جميع أوقاتكم بكل خير
تواصلاً مع دواويـــــن الشعراء القبيله
نقره لعرض الصورة في صفحة مستقلة
أقـــدم لكم ديــوان الشاعر الكبير / سلطان بن محمد ال وســــام الهاجـري
وهو شاعر كبير ومعروف وله وجودهـ في ميدان المحاورة وفي شعر النظم ايضاً
شاعر مبدع في جميع مجالات واغراض الشعر
بإختصآر...سطان شاعر لا يحتاج إلى مقدمــــآت
جمعت لـه قدر المستطاع من قصائـدهـ في هذا الديوان المتواضـع


،، أتـمـنـى أن أقـــدم ما يـنـال على إعـجـابـكـم ،،

سلطان الهاجري - شاعر الوزن الثقيل
(الليـــالي)
الليالي مشاكلها عراض طوالي
للنفوس الشقيه والنفوس السعيده
غاره من يمين وغاره من شمالي
توهمك بالهدوء وعاصفتها شديده
ياوجودي علي الراحه وياوجد حالي
ليت مالي مع الشعار ولانشيده
هب ياهالزمان اللي غزاني لحالي
كل يوم علي الهاتف يجيني قصيده
ذي معاتب حبيب وذي مشاريه غالي
وذي تحفض من السكر وهاذي تزيده
والعرب علمهم بي يوم صدري شمالي
والليالي مقفت به لايمكن تعيده
روحت مع مهب الريح ياهملالي
ماحد جت له الدنيا علي مايريده
والتجارب عطتنا ميزه الاحتمالي
ودرستنا مشاوير الحياه البعيده
ان مابه حياه الا وراها زوالي
والبنادم بهالدنيا شبوحه بعيده
مير ماهيب لامكسب ولاراس مالي
كود من حط قوله والنعم في رصيده
وطاب عند البعيد وطاب عند الموالي
وله نصيب الاسد من الخصال الحميده
وان تثنت عزوم مشوربين العيالي
عزمه اقوي من ظروف الحياه العنيده
يرتكي بالمناكب للحمول الثقالي
والطفر في راسه المطنوخ والا وريده
خل فعل الجدود وخل فعل الخوالي
ندري انك ولدهم والعلاقه وطيده
وندري ان فعلهم يستر بنات الحلالي
حتي لو جدك اكحيلان وانته حفيده
اما حث القدم واطلع علي راس عالي
والا خلك كذا وان مت ما انت بفقيده



(لاجل الغلا)
لاجل الغلا نطوي البيدا ونقطعها
مشاعر الحب لاعنت تعنييني
لاقلت لبيه من ثغرك وانا اسمعها
نسيت بعد المسافه بينك وبيني
ياعشقه الروح ياخيره مطامعها
شوفتك عن باقي الدنيا تكفيني
محبتك من ثلاث سنين زارعها
في شهرسبعه سنة خمسه وتسعيني
وداعه منك وانت اللي مودعها
تجري مع دم قلبي في شراييني
وانته وداعتك روحي لاتضيعها
ضياع ياسر عرفات لفلسطيني
تولعت والله اللي فيك ولعها
والقلب عاشقك قبل تشوفك العيني
النفس تامر وانا ماني بطايعها
الله عن النقد والمنقود يحميني
لو ان كبدي هجير الشوق لايعها
امر عطشان والشيمه تعديني
ام الدلع في ذرى شيخ مدلعها
زيزوم قوم علي الشدات قاسيني
شيخ ليا كبرت القاله يسنعها
ماهي بشيخة ختم والا ملاييني


(نجاح المساعيد)
عشقت غيدا سمحتني عن الغيد
أقول والا بس مانيب قايل
ميت ضما والعد صعب المواريد
وبذلت من شانه جميع الوسايل
والشربه اللي من حياض الأجاويد
تقطع ضما هدف الضلوع النحايل
يانووووف جيتك من ورا نازح البيد
بالراس مايحتاج رد الرسايل
وأن كان ماضمدتي الجرح تضميد
تحملي شرهة عيال الحمايل
أنا دخيل الصدر والثغر والجيد
أرخي علي شلال شقر الجدايل
هذي تكفيني من العيد للعيد
وأنا علي يانوووف رد الجمايل
أحظنك بأشواقي من الإيد للإيد
وشعرك على هاك المبيسم تمايل
ياقوم يامبسم نجاح المساعيد
أنتي مثل تضرب عليه المثايل
حبي وحبك حب عليا وأبو زيد
والا مثل حب الطنايا لحايل



(شاعر المليون)

انا يازماني في فوادي ثلاث اطعون
ولاهي بطعنه من سيوف اوسكاكيني
من افتح ياسمسم والايافلم ابو كرتون
امورن تغث اكبود حتى الوراعيني
وجمهوري الغالي يسوق الشره ويمون
ونا قد شرهات العتب من محبيني
يقولون ماشاركت وقول انت توحون
ابي كل واحد يفتح اذنه ويوحيني
لابالله ماشاركت في شاعرالمليون
لواني على المليون تومي شراييني
ولكن اناماني بخبل ولامجنون
اجي وقطع ارزاق العبادالمساكيني
الاياحمام الورق يااللي تجرلحون
تغانم زمانك بين خضر البساتيني
تراهالا ركبة كل جمره على غليون
وراد الله انه يصفل الما عن الطيني
مثل ماوطى هامان والاوطى فرعون
ثياب الشرف ماتستر الاالشريفيني
حشرنا الضبا بقرون ولا بدون اقرون
وراس الظبي يقرب من النار ويليني
والاجواد مدت للمواهب اكفوف العون
وهذي صفات من صفات الكريميني
والاقزام تهدم واهل المعرفه يبنون
صروح من الامجاد ماهي من الطيني
بنتها الكفوف اللي كرمها سحاب مزون
رموز العداله نصرة الحق والديني
غضبهم وانا سلطان يهتز منه الكون
وكرمهم تربع فيه حتى البعاريني
اصاله عربيه وتاريخها مصيون
عناوينها تفوق كل العناويني
جبال قممها فوق والها حجر وركون
قممها تشرفني ذراها يذريني
عسى الله يهونها على الناس لين اتهون
تزين القرايه فوق روس المجانيني
ضعاف العقول اللي تهبد على مالون
على كل ملواح تهز الجناحيني
ماتنضف يديهم لو تغسل من الصابون
كثر ماتمد يدينها في المواعيني
يدين عساها كرم الله من يوحون
والا تدري هذي حطها بين قوسيني
قبل لاتخيب ظنون والا تصيب ظنون
وذي عين تبكيلي وذي عين تبكيني
عزفنا وترى ماله علاقه بنجدي فون
نحاول نعدل مايلات الموازيني
رساله وباقي سرها في الثرى مدفون
سواة الامانه في وجيه المياميني
ابداع القصيد ابداع والاحتراف فنون
والابداع في كل المجالات يعنيني
وشعر الحداثه لامقفى ولا موزون
بلا مذهب بين ولا له قوانيني
وعندي النهايه لعنة الله على شارون
عسى الله من اسرائيل ينصف فلسطين


(خمس مية وستين)

قالو شراله خمس ميه وستين
مسكين قلت اللي على البال كافي
مدامني فنظار الأقزام مسكين
هذا دليل إني عزيز و وافي
نعم شريت البنزالأخضر بتسعين
سمته وتليته بتسعين صافي
أبيه لاقفى من الليل ثلثين
وأقفت مدافيح النجوم المقافي
أنخاه والدمعه تحت محجر العين
نخوة دريكن ناخين له سنافي
غيرت له زيته وعبيت بنزين
وأستنشق البنزين عقب الوقافي
كنه يصعط من صعوط المجانين
يرسي ليا جا فالطريق أنعطافي
وأقفا كما فرخن كفخ بالجناحين
نور الحسا قدمي وسلوى خلافي
منصاه في نجدالعذيه سلاطين
أهل موقفن يوم الحرايب يشافي
الآاد روق مرجحين الموازين
شطرن ركب من قاف غيري وقافي
أقولها هالحين وأول وهالحين
غصبن على أهل النفوس الضعافي


(ولد هاجر)
أنا ولدهاجر وخصمي ولد روق
حصن تصاقع والضماير نظيفه
لاحلق الجمهور طوق ورا طوق
مثل الضوامي فوق وادي حنيفه
ولاأنت لاعاشق ولاأنته بمعشوق
ولالك مع أصحاب الوظايف وظيفه
وأنا كتبت الشعرطاروق طاروق
وأحيان أوفق فيه وأحيان أعيفه
ولاعاد له معنى ولاعاد له ذوق
تقاسموه أهل النفوس الضعيفه
طاروق عانيه وطاروق مسروق
وأقرب قناة فاشله تستضيفه


(مايصح الا الصحيح)
الصراحه مزعجه وأنا صريح
تزعلك ماتزعلك باقولها
شاعر موهوب ولساني فصيح
وسابح عرض البحور وطولها
والافاعي سمها ينذح نذيح
والعقارب سمها في ذيولها
ماعلى الدنيا ضمير مستريح
كل خلق الله تهن خيولها
ذا يحن وذا يون وذا يصيح
وذا يخطف راسها ورجولها
والشعر هذاقبيح وذا مليح
وكلبوها سارين مفعولها
أجلدالقبيح في وجه القبيح
وقول وش رايك وقول أصولها
ولاتدري مايصح الاالصحيح
خاطب العالم على قد عقولها


(ياورد الاشواق)
مرحوم ياحب ترعرع بالأعماق
متغذي دم العروق الصخافي
في كل عضو له مقر وميثاق
بين الضلوع العوج بين وخافي
يروق مع روقه مزاجي اليا راق
ويحس بي اليا لحقني أخلافي
ويحس بأشواقي اليا صرت مشتاق
قدام يصبح فالامور اختلافي
واليا هنا علقتها فوق معلاق
وسليت سكين الخيانه ياكافي
ودعتك النسناس ياورد الأشواق
كرامتي تحكم علي بأنصرافي
قطفت منك ما تهيا وما لاق
ورميت باقي ذكرياتك خلافي
لا دمعة طاحت ولا خاطر ضاق
ماقول غير اللي على البال كافي
يكفي ثلاث سنسن مرت على ساق
عين فراش لك وعين لحافي
واليوم في تسعه وتسعين طقاق
قلبي كذا طبعه اليا عاف عافي


يتبع




 توقيع : ذيب الجوف

[flash=http://www.5zin.com/uploads/12729049561.swf]WIDTH=500 HEIGHT=325[/flash]

رد مع اقتباس
قديم 03-23-2010, 06:27 PM   #2
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي





(ليالي نجد)
صح السانك وللقصد مقصود
ماهوب ديكورن من الروح خالي
سحابتن في اطرافها برق ورعود
ترعد جنوب وبرقها ف الشمالي
يهيم معها هاجس الشعر ويعود
لأعظم ينابيع الوفا والكمالي
مولد قيم وامجاد وسهود ومهود
ومهبط رسالة عظكته والجلالي
ونجد بصحاريها بساتين و ورود
على المواطن والرفيق الموالي
لبى خزامي نجد عنقود عنقود
ولبى صحاريها العراض الطوالي
احضانها دايم حجا كل مضهود
لا اشتدت العزمات يا هملالي
كل ذي نعمه بلا شك محسود
الاعدقاء محور نقاش وجدالي
يعني ليالي نجد ماتعتبر سود
يوضي سماها نور حق وعدالي

(كذبة ابريل)
في عنفوان البلبله والأقاويل
وزخم من الإعلام في زعيتمانه
هذي قناه الشجب والحط والشيل
وهذي قناة الملعنه والخيانه
وهذي قناة الرقص ياعين ياليل
وعبدالله ابالخير والبردقانه
والقدس تقصفها مدافع إسرائيل
والغرب يعزف عزف كيد ولعانه
والشي والله في الليال المقابيل
أصبر علي شوي وأقول عانه
عان الليال الحيل لقحن وهن حيل
ولقاحهن غزو الأصل والديانه
غزو يسمى ديمقراطي وتبديل
وطمس العوايد والشيم والأمانه
وش قلت ياسداح في كذبة إبريل
هي في صميم الذات والا وزانه
والهيل ياسداح عطر الفناجيل
والجد ملح العجرفه والميانه
والخيل وين سروجها ياهل الخيل
راحت فرس عنتر تسابق حصانه
والمعركه بين النساء والرياجيل
مدري يفوز فلان والا فلانه
وأن قام حظ أم الرموش المظاليل
وقامت تثنى كنها الخيزرانه
ماعاد ياسداح حيله ولا حيل
أطلق شنب قله يجود مكانه
والقبه اللي للنشاما مداهيل
ميدان سيف الله وعنتر زمانه
الله ثعا فيهم على مثل ماقيل
بعنصر نسائي قوي كيانه
خطوات عوبا صوتها يصهل صهيل
تشرشح النايب وتكرب بطانه

(روقيً مردد)
والله ما يفتح مغاليق الضماير
كود تل الجيب والموقع محدد
لا كفخ بين الحتيفه والزباير
كفخ شيهان على الصيد يتهدد
والحصى مثل الفشق بين التواير
وعجها مثل الغثير الياتبدد
نحره معطي على الضيف البشاير
عن مواجيب النشامى ما تصدد
ذاك أبو سلطان حمال الخساير
صامل الفزعات روقي مردد
يوم كلمته ، وجور الحمل جاير
قال أنا ابن روق قول ولا تردد
قلت كفووو وهلت العين العباير
لعن ابو قلب بحبك ما تجدد
جعلها يمنا ما تلمسها الجباير
اليمين اللي تطش ولا تعدد
جعل يفدونه مجمعة التجاير
شلة عنوانها قيد وسدد
عكس أبو سلطان حمال الخساير
صامل الفزعات روقي مردد


( يالحون العود)
يالحون العود والا يامجارير الربابه
إختلف معنى القصيد وضيع الفنان فنه
حلم مدري علم مدري نوض برق في سحابه
أثرها طلة جبينه يوم زاح الليل منه
أقبلت مثل الفرس لا سمعت طبول الحرابه
مقتفيها ليل أسود والنجوم يفرقنه
النهار يمر ويعدي وليله في عقابه
النحر صبح تجلى والجدايل كنهنه
مخمل يلتف فوق الجيد الأتلع بالنيابه
عن سلاسيل الذهب والماس خوف يجرحنه
غاب عني والوله خلاه عندي في غيابه
مادرى ان فرقاه نار ولا درى ان لاماه جنه
ياوجودي وجد من صفق على ماضي شبابه
بان شيبه والسنين اللي يبيهن خالفنه
غرته خضر السنين وراح عمره مادرى به
غررنه وارفعنه لين سج وحولنه
وياوجودي وجد عود لا عيال ولا قرابه
ماجداه إلا يون ويردف الونه بونه
مالقى فزعة رفيق ولا دعاة مستجابه
كل ماامساله بظن خيبت الايام ظنه
هذا وجدي في غياب اللي نزح والله جابه
صح فرض الله فرض وسنة المرسول سنه
الغلا جسم رقيق ومرهف احساسي ثيابه
مثل غصن الورد يوم الهبايب يطرقنه
مازرعت إلا غلاه ولا نقلت إلا صوابه
والحشا ماضاق من خضر الطعون المستكنه
ياحبيبي مازها كف الخضاب إلا خضابه
فيه نظم المفردات وفيه للعشاق عنه
الظبي ماله شبيه وبينك وبينه تشابه
إلتفت بشويش وألقى فيه منك وفيك منه
خالقك من فضل محمد على كل الصحابه
وسخرك مثل المهار اللي تسخرها الأعنه
والثنا والشكر للي رحمته تسبق عذابه
لا لخلق الله شكر ولا لخلق الله منه
قاله اللي ماخذا مما يريد إلا هبابه
خيرة الفارس ثنية خيل صفرا مستعنه

(الصخره)
واهني الصخره اللي مايحرقها سموم
الزمان اللي يهد العزم ما هدها
الزمان اللي تحدا قويين العزوم
لين مشاها على ود ماهو ودها
والمجامل بعض الأحيان ما يقضي لزوم
لابو النفس الضعيفه ولابو جدها
مير تجبرنا العوايد وتجبرنا السلوم
نكتم الأسرار يالين تاصل حدها
الردي لا طاح جعله يطيح ولا يقوم
باح سده والنشاما ما باح سدها
كل ماكبرت وضاقت على عيال الرخوم
نحتزم لأكبر مصيبه وناطا خدها
جعل قسمي عند ربي من خيار القسوم
واحد يعطي العطايا ولا يرتدها
ياعيال آدم وحوا تراها ما تدوم
دورة الأيام لابدها لابدها
ياوليد البط وشلون ماتقدر تعوم
وانت ابوك يعوم جزر البحور ومدها
وانت ياحلم حلمته مهو مثل الحلوم
ياضحية مزح الأحلام مدري جدها
ادري ان فالناس معطى وفالناس محروم
ايه يابيض النوايا ويامسودها
وياضميري لا يهمك من الدنيا هموم
الصعيبه حلها والبسيطه عدها
جات في سد الشوارب وفي سد الخشوم
كبر الضيفه وعش الضيوف وغدها
والمراجل ماتوفى بضافية الهدوم
كود بسيوف يشوق النواظر حدها
والردي لو درس المرجله في كل يوم
المراجل عند اهلها يذعذع ندها
يعتبر قسمه مثل قسم زاهية الرقوم
يوم تكحل رمشها والقرون تكدها
ماكسبت الا رضا اهل النمايم والعلوم
يارسول الحكي هات العلوم وودها
الصفوف اثنين هذا دفاع وذا هجوم
وانت اظنك لانت معها ولا انت بضدها
شرهة الطيب تعداك للغوج العزوم
وانت صلفات المشاريه ماانت بقدها
وانت في سود الأظله تريح ومخدوم
وان ذبحك الجوع كد التكاسي كدها

(الفكسار)
يا مجهز الفكسار بسيوف ورماح
ومفرقات الجمع حين التحامه
من ثقل مافوقه مطبه تمرجاح
مجهزه راعيه والدرب أمامه
يهوي كما حر دعي له بملواح
فوقه عطاوي خواله عمامه
من وادي الشبرم الى مفرق رماح
يحدد السرعه ويربط حزامه
وساعة تعدى سعد يالاح يوماح
عوذ من الشيطان وارخى خطامه
ولحظة وصوله والشفق مابعد باح
رحبت به قدام يبدي سلامه
على أشقر الفنجال والعود فواح
وفقار شتوي سنامه يدامه
واخذت منه روس الأقلام بألحاح
وازرا المفسر لا يفسر حلامه
ورحت أتصفح كل بيت تصفاح
وافك حرف وحرف أزود لحامه
يا ناصر الروقي ترى الزند قداح
والسلم الأول عزه الله وادامه
ماكل راعي ذود للذود مصلاح
بعض الرعاه مرافقته الغشامه
اللهم انه بس ضاوي وسراح
عنده مساس الأرض كنه وخامه
الموت لا طيح من الذود طياح
واقفى عليها الليل يابو دلامه
وجاتك بعد مده معاشير ولقاح
وولادهن عيد الضحيه تمامه
والغيث لاتكره مطيحه اليا طاح
ربع بصفاره وعطني خزامه
وان مرتك هجن المهابيل طفاح
اهبال طيب ولا صحاوة رخامه
هذا شطر بيت كما النجم وضاح
وعز الله ان راعيه على كلامه
اللي مسح روس التماسيح تمساح
واليا انتقم كل يعرف انتقامه
والأوله والثانيه سم اذحاح
يبحر بها الصايم وتجرح صيامه
راحت سوالف كحيح ونتحناح
كل شكت سبابته من ابهامه
واليا حصد زرع الفلاليح فلاح
العز يبقى من يجود زمامه
ولا يربح المليون يا جورج قرداح
يكود من راسه قويه عظامه
ما يسترد الحق بصياح وانياح
وبشت حساوي وساع كمامه
الا بيوم فيه للجمع ضحضاح
يشيب منه اللي بحزة فطامه
واسلم ودم ماناض برقا ومالاح
واقبل تحية صاحبك واحترامه


(السوالف والعلوم)
الله ولابعض السوالف والعلوم
تحمل الرجال مالا يقدره
مامن وراها الا المشاكل والهموم
ياعنك مافيها من الله خيره
عسى غضب خطلان الايدي مايدوم
وعسى عمار الطيبين معمره
ياسيدي سلطان قومني وقوم
وارجو من الله ثم منك المعذره
وانا عن الزلات ماني بمعصوم
والعفو ياكحيلان عند المقدره
انا حفيد اللي يسدون اللزوم
يوم انها كانت عبوس وغبره
والبيرق الخفاق من دون النجوم
وحدب السيوف مورده ومصدره
بقيادة اللي وحد الدولة عموم
شق الطريق وحد الله ونصره
عبدالعزيز اللي لياشن الهجوم
من صف عدوانه تضيق المقبره
الياصفق له خشم من بين الخشوم
من قوة الصفقه يطيحن عشره
واصل على خوض المعارك بالعزوم
وتقطعت عوص النجايب في ثره
لين العلم رفرف على روس الرجوم
في ظل حدب بالدمى معطره
وحنا ما غيرنا العوايد والسلوم
اللي خلق فينا الولاء ماغيره
معنا الولاء يزداد يوم بعد يوم
في صدورنا حتى ولو مانشهره
وحكي الرخوم اللي تروجه الرخوم
والله ماغير في محبتنا شعره
ياسيدي وان راحت الاصحاب قوم
أحد يسند علم واحد حدره
انا دخيل حماك يا الأب الرحوم
لاتستمع فينا ولد رجل ومره
يامفرج الكربات فلاج الخصوم
ملاذ من ضامه زمانه وعسره
انت الذي عن زلة الجاهل تشوم
واليا كسرت العظم ماحد جبره
محاسنك غيم ماهو مثل الغيوم
اليا أصطفق برقه يسابقه مطره
غيث قدومه حي والله ها القدوم
يروي الفياض الجرد لله وومره
وياسيدي ماحد من الطيب محروم
قولة نعم عند الرجال مدوره
مير انت مثل طويق من بين الحزوم
كل تذرا في حيوده وشجره
تبي الحقيقه ياعسى عمرك يدوم
شعر مايكتب فيك مافيه ثمره

(الملك فهد)
كلن كتب في حادثة يوم الأثنين
لعلها غفران ذنب و مبره
والشعر ما يوفي حقوق السلاطين
فكرت فيها ألفين مره و مره
الشعر وين و منجزات الفهد وين
محدن قدر يحصي نجوم المجره
يا عل عين ما بكت يوم الاثنين
و لا ذاقت إمن الحزن مثقال ذره
يالله عساها ما يجيها عمى العين
تشوف لكن ما تشوف المسره


 
التعديل الأخير تم بواسطة ذيب الجوف ; 03-23-2010 الساعة 06:39 PM

رد مع اقتباس
قديم 03-23-2010, 06:29 PM   #3
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي





(صدفه غريبه)
صدفة غريبة و الحقيقة ما على الدنيا غريب
يا زينها صدفة بلا سابق وعد يا زينها
الله صرفها لي مثل صرف العلاج من الطبيب
أثر الجروح تطيب لا من عولجت في حينها
لا طاب جرحي منه .. من غيره لعله ما يطيب
يطعن و طعناتها على شان الغلا راضينها
أحلى شوي من العسل و ألذ من طعم الحليب
و أحر من همسة شفايفها و غمزة عينها
و مجدلٍ يوم انتثر كله ما غير يفوح طيب
يطيح لو ما ترتبه بيسارها و يمينها
لا ينزعج ترى الجمل ما طاح لو أنه صويب
لا يا بعد ناسٍ تحد لطيحته سكينها
و لا يفرح الحاسد تراها طعنةٍ من يد حبيب
و شلون أبونسها و هو بين الفواد و بينها





(((المنــــــــــــــاجم)))



الزمـان يـدور والدنيـا تــدور
ودوره الايـام مـاهـي هيـنـه
ماتـدق الا جلاميـد الصـخـور
خل عـاد اهـل العضـام اللينـه
والحرار اللي علي روس الوكـور
كـل حـر مابـقـي الامكيـنـه
والضحايا في الصحون وفي القدور
فوق نـار اهـل الوجيـه الدينـه
في غليـان التغطـرس والغـرور
دور الـواقـع مـاعـاد تعيـنـه
مثل حرف الجر في بعض السطور
لويشيـنـه القـلـم ويـزيـنـه
والطماعه حطهـا نمـر النمـور
بيـن لحيانـه وبــن لسيـنـه
ليش يبسـن الحناجـر والنحـور
والديـوس ام الحليـب محيـنـه
ادري ان اصل المناجـم مايبـور
كـل منجـم فيـه تلقـى عينـه
عند ماتصفق بحـور فـي بحـور
مايبيـن الا الوجـيـه البيـنـه


(((الـــــــــــــــــــذود)))

يالله انـي طالبـك لـيـل هــواه
فيه مـن نـوع الهـداوه والركـود
وفيه من عشب الربيع ومـن شـذاه
العصيـر اليـا تثنـا كـل عــود
في طرف روض قفر ماحـد وطـاه
لـه ثـلاث شهـور ودانـه يجـود
الدكاكـه والتريـبـي مــن وراه
عثعث مقطـاع صلـب مـن نفـود
من تمشـي فيـه يبطـي مانسـاه
لويزور (الهايدبارك)و(ادجوانـرود)
ميـر والله ماعلـي الدنيـا طـراه
كان مالـك مـع هـل الذيـدان ذود
والله انـك ماتلـذذ فـي الحـيـاه
في الوجود وكن مانت ابـفي الوجود
الغنـاه بدونهـا مـاهـي غـنـاه
لاتنقُـص فـي الحيـاه ولاتــزود
البل تـزود الرجـل سمعـه وجـاه
واللـي مايشقابهـا مافيـه فــود
مهما قالوا طيبـه اكثـر مـن رداه
ومهما طاريه مـع النـاس محمـود
حتي لوهـو غالـي ينقـص غـلاه
كـان مايعشـق مواريـث الجـدود



(((الســــــــــــــــــــامر)))



ياراشد الدنيا حظوظ وتوافيـق
والعبد ماله غير مالله قسم لـه
حقك علينا لاطرقنا الطواريـق
اصعب طواريق الشعر نحتزم له
نرضي مخاليق ونزعل مخاليق
ولاننوخها علـي بيـت نملـه
اهم شي طويق وبناخي طويـق
اثنين يفداهم من الناس جملـه
الفوز برضا هالثنين المطاليـق
يسوى من العملات عمله وعمله
والا ان بيبان الضماير مغاليـق
ولاكل وجه يبتسم نبتسـم لـه
وانا معاهد والعهد له مواثيـق
اني لآحفظ له الوفاء والتزم له
ياكثر مافرج عليه من الضيـق
مواقفه في حزه الضيق جملـه
مناكبه للحمـل فيهـا معاليـق
يوم ان غيره يالله يشيل حملـه


(عليك التساميح)
يالله يـا ربـي عليـك التساميـح
لولاك عرجات السنين اعرجت بي

منك استمد العفو رهبـه وتسبيـح
والعفو كان اجروح وقتي سطت بي

الحظ كـوره والنـوادي ظحاظيـح
سددتها في العارضه واحدرت بـي

شوطين اضافيه وركـلات ترجيـح
واخر نهايه ما بعـد سجلـت بـي

اقول لحظـه للجماهيـر وتصيـح
خسرتها كاس الفرح واخسرت بي

لو طاحت انفوس الرجاجيل ما اطيح
عليت نفسي للعـلا واعتلـت بـي

صم الجبال الي حجرهـا صلافيـح
لو جيت اهز احيودها ما درت بـي

لكـن لـي مبدأمعـزه وتصفيـح
ابوي سماني بهـا واستمـت بـي

أقدر ظـروف الوجيـه المفاليـح
وابقى على هقواتها الي هقت بـي

اذخر فواعيس الرجال الطحاطيـح
الي اليا من جيتهـا رحبـت بـي

قولت هلا واقلط على هبه الريـح
ثروت غنا فيها اغتني وأغتنت بـي

ما هو كلام ملاعبيـن المسابيـح
الي نمـوذج كتبهـم غيـر كتبـي

ملقحيـن منمـق الهـرج تلقيـح
يا ما حكت عندي ويا ما حكت بـي

تصوم وتصلـي قيـام وتراويـح
لكنها في الشذب ما قصـرت بـي

عيال رعيان الحـلال السواريـح
لو حصلت ضحكن علي اضحكت بي

ولو لا العصا كان الكلاب النوابيـح
عن مشرب العد العذي صدرت بي
والصبر زيـن وللغنايـم مفاتيـح
وأكحل عيون بالحسد تلتفـت بـي


يتبع



 

رد مع اقتباس
قديم 03-23-2010, 06:31 PM   #4
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي






(لكزس)
لكزس ٍ بيضاء تقل سكر نبـــات
جت من اليابان في ميناء دبـــــــي
فل فل أوبشن و فل مواصفـــات
غاية مرادي و غاية مطلـــــــــبي
ركبوا فيها لوايحها و جــــــــات
العدو يموت و اللاش يهـــــــــــبي
جابها شيكن حروفة ملفتـــــــات
يحمل أسم أطلق شنب حتىشنبي
سيدي فيصل و ذات الأســم ذات
راس مالي سيدي و معزبــــــــــي
ثالث النهرين دجلة و الفـــــرات
يارد الضامي علية و يشربــــــي
معجزة سبحان رب المعجـــزات
يا صلاة الله على وجة النبــــــــي
يا ولد بحر الندى بنك الغنــــــات
للمواطن و الخوي و الأجنبــــــي
ويا حفيد أعظم ملوك المملكــات
في التاريخ الأنجلش و اليعربــي
و انت أبو كل المكارم والصفـات
في المحيط المشرقي و المغربي
ما يغلبك من أعيال الأمهـــــــات
كود عمك با الكرم ما يغلبــــــــي
سيدي سلطان لا راحت و جـــات
سمعتة فيها الغبي ما هو غبــــي
مدتة تملا البطون الجايعــــــــات
و فزعتة يسمن بها راس الضبي
أثقل من طويق و جبال الســرات
تشتبه ما تشتبه برق العـــــــــبي
أبو خالد تبتلش فية الـــــــــروات
وش يخلي الرواية و ش يكتـــبي
أن رمن أشيالهن هن مـــــترفات
وانتخن في كل شيخ مجربــــي
قال صار الموت أخير من الحيات
مير هلي يا المنايا و أقربــــــــي
أمتطي جرد السبايا المسرجــــات
و السيوف البيض يسباها سبــي
خيل العوجا زبون الوانيـــــــــــات
هذا الأسم اللي مسمينية أبــــــي
حاتمي وزير بس الأفتخـــــــــــات
فيصلي و الزير سالم تغلبـــــــــــي
و انا معجب و القصايد معجبـــات
في ولد خالد عريب المنسبــــــــــي
تاردة الأمداح من كل الجهـــــــات
و تعشق أفعولة و طيبة حيبــــــــي
و اللحن و القافية و المــــــفردات
صادق أحساسي و جهدي و اتعبي
و الختام الباقيات الصــــــــــالحات
يا صلاة الله على وجة النبـــــــــي


(بقيق)
لايمي لاقلت احب بقيق واللّـي حولـه
اقطع الله نصيب أبوه وجعل ماله والـي
جزء من دوله ، لكنّه في عيوني دولـه
اعشقه واقـدّره قـدر الرّفيـق الغالـي
وكل ذكرى في ملفّات الغـلا محمولـه
في ربوع بقيق جعل بقيق مالـه والـي
ياوجـودي لاذكـرت اللّيلـة المأهولـه
يوم جيت أحث رجلي ، والسّعد يبرالـي
وانطحتني مثل ليل السّامـري وطبولـه
جيدها برقه يلـوح ، وعودهـا ميّالـي
افتقدت الذّاكـره يـوم انتثـر مجدولـه
ولا انتبهت ايلين طاحت غترتي وعقالي
وانتهى الشوط الإضافي ما كسبت الجوله
الله انّه يغفـر ذنوبـي ويرحـم حالـي
ذقت شيء من رحيق الشفه المعسولـه
ليتني ماذقت منها شيء كـان اشوالـي
استحيت من الأمور اللّي مهي معقولـه
ا لأمـور اللّـي لا تتسـوَّى ولاتنقالـي
واصبحت قصّة غـرامٍ مالهـا حيلولـه
مابقى الاّ اسم العنود ونمـرة الجوَّالـي


(ضاوي)
ان جيت يا ضاوي عسى الله يحيِّيك
على الشّحم ومبهّـرات الدّلالـي
عند الرفيق اللّي يعـزّك ويغليـك
حيثك ولد عـودٍ عزيـزٍ وغالـي
وان رحت يا خاطر فلاعندنا فيـك
تغيـب عنَّـا شهـور والاَّ ليالـي
خذها على الذِّرعان منِّي وانا اخيك
الكذب ماهو من سمات الرِّجالـي
لاراجيٍ غيـرك ولانيـب راجيـك
في كـل ميـرادٍ طـوالٍ حبالـي
افتل واحـل معقِّـدات الشّرابيـك
واشيل ما شالت ظهور الجمالـي
ياما تصعلكنا وصرنـا صعاليـك
وياما تحمّلنـا الحمـول الثّقالـي
للمرجله صرنـا عبيـدٍ مِماليـك
وكفوفنـا تنـدا مـن اوّل وتالـي
لو كان مانملك رصيدٍ على شيـك
اوجيهنا عنـد النشّامـا طوالـي
نشوم عن هذي ونِرهي على ذيك
وما حاشت ايدينا مهو راس مالي


(ابو العيون)
ابو العيون اللي هدبهـا مراييـش
يابو الدلـع يااللـي شفايـاك ذبلـه
ياما على شانك نويـت المطاريـش
وياما تبعتك شـرق والنـاس قبلـه
واليوم كني شفت في الوضع تشويش
شيٍ مجمعت العلـوم تحسـب لـه
وش عاد لو تزعل علي الدراويـش
أنا بدويٍ راح يتبع هـواء... أبلـه
علط الرقاب اللي وبرها عكاريـش
لاربعت قلبـي يزيـن الطـرب لـه
ننزل بها في منـزلٍ مابعـد نيـش
روضٍ خضر عشبه خزامـا وربلـه
في ليلةٍ يأتـي مطرهـا رشاريـش
هـذا ربيـع القلـب عقبـه وقبلـه
لاتحسبني عقب فرقاك مـا أعيـش
من لاحسب لي عادتي ماحسب لـه
حتيش لو بينتي الصد حتيش
لانيب عنتر ولانتيب عبله


(ابوحمد)
اللاش لامن صد جعله ابدعثـور
لاناشد عنـه ولاهـوب غالـي
الغالي اللي صار له عدة شهـور
مدري جنوب الدار والا شمالـي
اليا جفاني واعتذر قلت معـذور
افرح اليا شفته وينسـاح بالـي
والله احبه حب مطلـق لمستـور
واقدره قـدر الرفيـق الموالـي
من منكبي الأيمن الى مشة الزور
قدره ومقداره مـن أول وتالـي
ابو حمد لاعسم الراي والشـور
لاطاح حـظ امعثريـن العيالـي
يطري علي والهم طابور طابـور
وينزاح عن عيني سواد الليالـي
مايلحقه في رفقتي شك وغـرور
افخر ويفخر بي اليا جاء مجالـي
والا المهجن رفقتـه مالهـا دور
رفيق حال وحـال يـا هملالـي
ياخذ معك مشوار ويلف ويـدور
ويختار عن درب اليمين الشمالي
سملق ماعنده احساس وشعـور
ماغير قال فلان وفـلان قالـي
لكن حمل الثور في غارب الثـور
ما يستعيب العيب كود الرجالـي
لا تاكل الحرجه ولا تشهد الـزور
وفعولها تستـر بنـات الحلالـي


يتبع



 

رد مع اقتباس
قديم 03-23-2010, 06:32 PM   #5
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي





(اعذب الاصوات)
مرحبا يأعذب الاصوات واغلاهـا
صوتها العذب مرسالته على شانى
والمشاعر تلبى لى من اقصاهـا
من خفوقى ومن دمى وشريانـى
كل بيتن يداعب حمـرة اشفاهـا
يمتلكنـى ويامرنـى وينهـانـى
أنا وأرضى وشعرى من فداياهـا
حتى بحرى ولولـوى ومرجانـى
وان كتبت القصيده مـن مزاياهـا
اتحدى بيـوت الشعـر تعصانـى
ميـر حتـى قوافيهـا ومعناهـا
كل بيتن يسابقنـى علـى الثانـى
والله اعلـم ولولاهـا ولـولاهـا
مـا تحـدت ظـرف ولا تحدانـى
لين راحـت وراح القلـب وياهـا
قلب سلطان مير الحب سلطانـى
حطتـه كنـه الخاتـم بيمنـاهـا
مثـل خاتـم نبـى الله سليمانـى
وكل طعنه مـن الغاليـن حياهـا
قد ذبحنى غلاااها العام واحيانـى
كنت من حبها اكتبها ولا اقراهـا
مير ذالحيـن تكتبنـى وتقرانـى
في حياتى من اولها الـى اتلاهـا
مهرتن كنها مـن خيـل جدانـى
كل مـا وصفوهـا كنـه اياهـا
بس هذى بليـا سـرج وعنانـى
سرجها الليل لا انهـل وتغشاهـا
تفهقه عن جبين الصبـح لابانـى
وان نطحهـا الهـوى ولا تقفّاها
قمت اغنى لها لاحـي ياليحانـي
وأزرقتني برمحـن مـا تعداهـا
وابتلتنـى يـاربـى لا تبـلانـى


(الشرقيه)

الغلا والشوق يدفعنـي علـى الشرقيـه
بين تيـار الغـرام وبيـن شـي ثانـي
امتثل لي ما يرد القلـب عـن طاريـه
كل ما ذعذع نسيـم الـورد والريحانـي
مثل ما يضـرم خلـف هـذال للبريـه
والله اني مضرم للشوق مـن وجدانـي
عاشق ما يلبس ثيـاب الغـلا عاريـه
ما يعشق الا عقود اللـول والمرجانـي
الغصون الخضر حيه والمشاعـر حيـه
غرب كورنيش الخبر شرقا عن الظهراني
اقلبـت واستغفـر الله كنهـا حـوريـه
والشعر مثل الذهب يلعب على الأمتانـي
ان تثنـت كنهـا مـامـورة منهـيـه
وان تمايـل عودهـا يـا الله لا تبلانـي
جيدها فتـان والفتنـه تجيـب السيـه
والبروق تلوح بين الخـوخ والرمانـي
قلت وش هالغنج قالـت كـذا عفويـه
بنت مملوحه جميله والجمـال اطغانـي
يضمحل الورد كـود الـورده المحميـه
لا تطلقها الريح حرك عودهـا الريانـي
عن هجير الشمس احصل فيه ظل وفيـه
آه يا لبيـه يـا زرعـي ويـا بستانـي


(عند ظنك)

قال أنا عند ظنك قلـت لا بلـه
أختلف فيك ظني نوبـه ونوبـه
قال واللي سواتك يدمح الزلـه
قلت والغلطه اللي منك محسوبه
من بغاني على الشده رفيق له
لا يقصر بماجوبـي وماجوبـه
الرفيق المهجن رفقتـه علـه
لابس لي عباة الـود مقلوبـه
لو يجامل معي والكره مشتلـه
المحردب تشوف الناس حردوبه
والشجاعه رجوله والردى ذله
لا تحن الحصان إلا من ركوبه
يارفيق يحـد السيـف ويسلـه
كل ما أقفى رفيقه حش عرقوبه
رفقة مالها مذهـب ولا ملـه
يالله العفو والغفـران والتوبـه


(ياصهاة الخيل)

جيت متشوق من اللهفة وابـي
ليـت والا عـل والا ربـمـا
يا صهاة الخيل يا عنق الظبـي
لي متى والكبد يطويها الظمـا
قولي اني منتحـر والا غبـي
المهم اطب فـي روض الحمـا
اقربي يا وردة الروض اقربـي
وكل حاسد جعل عينـه للعمـا
ياصلاة الله على وجـه النبـي
القمر في الارض والا في السما
الجمـال اليوسفـي اليعربـي
انتمى لك فـي جمـال الانتمـا
جعل صناع البراقـع والعبـي
ما يبل الريق من مـا زمزمـا


يتبع


 

رد مع اقتباس
قديم 03-23-2010, 06:34 PM   #6
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي





(ياليل)
ياليل ياساري على شاطيء النيـل
ياكثر مابك من وناسـة وضيقـه
ماغير أوسع خاطـري بالمواويـل
من خوف يشعل في الضماير حريقه
لابه بنـي عـم ولا بـه مراحيـل
من دونهم بحـر يخـوف بريقـه
أثـر العـزب للنشامـا بهـاذيـل
والبعد من بيـن الرفيـق ورفيقـه
تصبر على الغربة زحول الرجاجيل
اللـي تمسـك بالحبـال الوثيقـه
والا الردي لو غاب من حرمته ليل
الليـل الآخـر دونهـا مايطيـقـه


(عليك الفرج)

عليك الفرج يا الله يـا حـي يـا قيـوم
إلـه عبـاده كلـهـا تلتـفـت يـمـه
ألا يارفيقـي والله إنـه عـداك الـلـوم
أنا اللي على اللـوم فـي ذمتـي ذمـه
ولكن سامحني ترى العلـم فيـه علـوم
ولايفـرح اللـي بيننـا ينقـل النـمـه
حصل ماحصل والعبد يصبر على المقسوم
يدور الزمان ويخلـف العـزم والهمـه
طراةالرجل الالحقه من الزمـان همـوم
لايدري بسدة كـود خيـرة بنـي عمـه
وسيع البنايـد فاشدايـد قـوي عـزوم
لاعضك زمانك شال همـك مـع همـه
وأنا والله إنـي ماتهنـى بحلـو النـوم
ورفيقي عليـه همـوم الايـام ملتمـه
أشيل الحمل منه واحطـه علـي واقـوم
مقام يورد مضمي الماء علـى الجمـه
لكن الزمان الشين ظالم وانـا المظلـوم
على الهون ياللي تمدح الوقـت وتذمـه
تهب الهبايب والسفـن فالبحـور تعـوم
ويقفي بها صلف الهبايـب عـن اليمـه
هبوب تصلفقها وبحر وسمـاء ونجـوم
ومـوج تقفـاه العواصيـف وتـزمـه


(المرسدس)

المرسدس حدنـا الحـادي وبعناهـا
لو آنها اغلا من القلـب وشرايينـه
ماهوب عيـب ليـا منـا جلبناهـا
رجلٍ جلب موتـره ووفـى ديايينـه
وان راده الله وزينـهـا وسـواهـا
وتبدل الوقت من عسره ليـا لينـه
ماراح جعله مهف امقيـط ورشاهـا
بيت القناعه من اقوى شـي بانينـه
وغلا العطايـا ليـا منـا عطيناهـا
عيب علينا نقـول فـلان معطينـه
وليـا فعلنـا المراجـل ماذكرناهـا
وابـو ملاييـن مانرجـي ملايينـه
اللي فعايـل يمينـه مثـل يسراهـا
موس على شاربه وخلال في عينـه
وقولة ونعم الشوارب جعله افداهـا
كلن يقلـط علـى ماتفعـل ايمينـه
سحابة الشعر هلـت وانتثـر ماهـا
وستيقظ الفكر في وقته وفي حينـه
شاقه لحنها وجـازت لـه وغناهـا
ونساق معنى القصيد وزان تلحينـه
واشهر الاسامي ليا منـا ذكرناهـا
ماشال حمـل الزمـان الا بعاريـن
والقوم لـالله ومرها وساقت اخطاها
تقول سمح النبا بحـر النـدا وينـه
وقول نايـف امعزبهـا ومنصاهـا
ضلع ٍ على المرجله تقدح صواوينـه
لاقلت تكفا خـذا الغتـره ووطاهـا
اما علـى يميـن ولا بينـك وبينـه
حر ٍ لامن اهوى على الصيده تعشاها
مخالبـه للعشـا تسبـق جناحينـه


(لا هم ولا ضيقه)

البـارح امسيـت لا هـم ولا ضيقـه
واصبحت والخاطر اضوق من ثقب لابره
واخذت فـي نجـد تغريبـه وتشريقـه
واقول وين انت يا ضيدان اخـو صبره
الصاحـب اللـي تونسنـي طواريقـه
حبر القلم يستمد الحبـر مـن حبـره
الهـم يجتـاح قلبـي مـع معاليقـه
لي ماضي التجربه يا ماضـي الخبـره
الحـر لا تــل فكيـنـا مسابيـقـه
وان رد يـا مرحبـا مـن رد نعتبـره
ليـل رعــوده تقفتـهـا براريـقـه
ولا رفيق الوفـى شبـري ورا شبـره


يتبع



 

رد مع اقتباس
قديم 03-23-2010, 06:35 PM   #7
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي




(غير القصيد)

أستاذنك ياسيدي عبدالعزيز بن سعود
حنت رعود المزنه اللي يشتعل براقها
سحابةٍ غرّاٍِ تكفكفها الهبايب والرعود
لين أرزمت وارخت على الضلع الطويل اشناقها
قصيدةٍ غير القصايد ولا على الشعار زود
اما تزين اخلاقها ولا تشين اخلاقها
اصبها صب الذهب واعدها عد النقود
حتى تنال اعجاب نقاد الشعر واذواقها
والبندق اللي عن هدفها لارمت فيها صدود
قولوا لراعيها يعلقها على معلاقها
الموهبه شيٍ من الله ياعريبين الجدود
ماهيب سياره ومن لوح عليها ساقها
وانا عسيفي من بنات الريح مفتولة عضود
اليا شعاهاالصوت ارخت للهبوب اشقاقها
احيان انطحها الهوى واحيان اوردها ثمود
واحيان القمها شكايمها واللف اعناقها
واؤمن بما لايؤمنوا به النصارى واليهود
مانيب خبلٍ يجلب البيضه على سلاقها
واحيان لاهب في صدري من النسناس نود
مافيه ورده نرجسيه ماقطفت اوراقها
امّا طرب ولا غضب ولاّ من الوقت محدود
لاثقلت الحمله على متنٍ عجز ماطاقها
ولاّ تعطل موتري بين الحتيفه والنفود
وحلوق صلفات الهقاوي ماتبل ارياقها
هنا ! ليامني ذكرتك واليالي البيض سود
تثبت على البيداء قدم رجلي ويثبت ساقها
تطري علي فزعتك ليامن حك راس العود عود
واللوذبك واجلّ هم اجلالها وادقاقها
ياصامل الفزعات ياحلال صعبات العقود
فزعتك شمسٍ يدحم الليل الظليم اشراقها
وغيرك شيوخ ويملكون أضعاف ماتملك وزود
ولا عرفها الا سهوم البورصه واسواقها
تجمع من الدنيا مثل جمع الحظارم والزيود
ديدانهم جمّاعها وديدنك في فراقها
يوم المراجل هضبةٍ عيطاٍ مراقيها تكود
عشقتها واسمك لمع في مقدمة عشاقها
عشقٍ على وضح النقا والعود في عين الحسود
بلا منازع نالت اشواقك ونلت اشواقها
وبنات فكري تاردك ورد الظوامي للعدود
وانا مجرد شاعرٍ ليا ساوقت له ساقها
امدحك وانته تستحق المدح وافعالك شهود
انا مالصمقها كذا ولا اعرف لصماقها
انحت جلاميد الصخر واقدح مثل قدح الزنود
واذكر معاريفك علي اجدادها واعتاقها
اليا جحد معروفكم خبلٍ ونكّارٍ جحود
عساه في غيبوبةٍ يبطي وهو مافاقها
عهدٍ علي وانا من اللي مايخونون العهود
قومٍ تضحي للوفاء بخيولها وانياقها
مادمت لي ياسيدي موجود جعلك في الوجود
ارهيت بامواج البحوروجمّها واعماقها
واختامهايحفظك علاّم السراير والسدود
اللي خلق كل الخلايق واعتنى بارزاقها

(ياروح روحي)
البــارحــه يــاروح روحي خنجــر عتابــك حديــد
تــومي بهــا واليا اسهبت بين الضلــوع اركيتها
حُكـــم الغـــلا خــلاك تطعني وانـا اللي مستفـيــد
فــديتــك انت وكــل طعنـــه مــن يــدك فــديتـهـــا
محبتـــك تجــري بــدمي مـــن وريــد اليــا وريــد
بيــن الضلــوع العــوج بخشتهـا وقلــبي بيتهــــا
ليــنـت لك قلبــن لغــيـرك مــا يلــينــه الحـــديــــد
ولــديت لك عيــــن(ن) لغيـــرك مــا بعـــد لديتهـا
وغــنيــت فيــك النادرات الشاردات من القصيــد
اللي تثيـــر الصمـــت في الجمهــور لاغنيتـهـــا
ونشـــرتهــا بــاشهر مجـلـه للقــريب وللــبعيــــد
على غلاف المختــلف كـلـن قـــرا مـــنشـيـتهـــا
عقدن يلـيــق بـجيـــدك اللي فــارقن عن كل جيد
والشـــفه اللي هرجهـــا معـسول يخرب بيتهــــا
لاقلت اريــد وقالت امــر قلت مدري ويش اريــد
قــالت علامـــك قلــت انــا بغيتهـــا واخطيتهـــــا
مـــــره مــن المـــرات في ليل ٍ نسـانيسـه جليــد
هـــزتني الـــذكرى وســـرتني ونـــا ســريتهـــــا
مـدري بطل مدري خبل مدري ذكي مدري بليــــد
ميـــر المهم ان العنــــود اليـــا دعتنيي جيتهــــا
وان شفتها عقب التعـب والليــل والبرد الشديــد
واقـــــول ياليــــت الليــــالي كــلهـــا يـــالليتهـــا
مــــرة شقــاهـــا للشقي ولذة سعدهــا للسعيــــد
والــذ منهــــا الجمــره اللي في يدي ضميتهــــــا


 

رد مع اقتباس
قديم 03-23-2010, 06:50 PM   #8
ذيب الجوف
مراقب عام سابق


الصورة الرمزية ذيب الجوف
ذيب الجوف غير متواجد حالياً

بيانات اضافيه [ + ]
 رقم العضوية : 129
 تاريخ التسجيل :  8 - 7 - 2008
 أخر زيارة : 04-19-2013 (03:48 AM)
 المشاركات : 5,117 [ + ]
 التقييم :  141
لوني المفضل : Brown
افتراضي




(الحميدي)
يــايــها الاخ الاسـتـاذ الحـمـيـدي
السـلام ورحمـة الله والتحـيـه
وصلكم مني على رقـم البريـدي
مايـلـي ومايلـيـق بمايلـيـه
واعتبرها اغلى قصيده من قصيدي
من تعلمـت الحـروف الابجديـة
والولا والصدق والعلـم الوكيـدي
والمشاعـر هاجريـه هاجريـه
والقبيلـه جحـدري ولاعبـيـدي
كلنـا نايـف وزيـر الداخلـيـه
وكل شعب المملكه رايه وحيـدي
صف واحـد والقيـاده فيصليـه
في الرخا يلقونـا عنهـم بعيـدي
انتمشى في فضا الارض العذيـه
مير لاهز الهوى غصن الجريـدي
اقرب مـن المملكـة للفيصليـه
صف واحـد لايهـس ولايحيـدي
يدفعه معنى الكرامـه والحميـه
للمليك نقـول ياعمـي وسيـدي
وللوطن نارد على حوض المنيـه
حينـا يفخـر وميتنـا شهيـدي
ياصـلاة الله وياسـنـة نبـيـه
ومن طلع من صفنا مايستفيـدي
ذمة المومن من الخايـن بريـه
والدواجـن لازكـاه ولارصيـدي
ولاتسمى باسـم ثـروة حيوانيـه


(كنك مفصلها)

قريت مـره كتابـة واحـد عنـي
سوالف بيـض الله وجـه قايلهـا
شكرا على دقتك يا الكاتب الفنـي
دشداشتـي والله إنـك مفصلـهـا
الله فعيـون جمهـوري مجملنـي
وأسماء الرياجيل تعرف من فعايلها
هل تعلم إن الملابـس ماتمثلنـي
وأنا أتقـدم وأمثـل قـوم بكملهـا
كانك ياعبدالله الراجس على ظنـي
الاوله مـن بنـي أخينـا تحملهـا
والثانيه فرق الشيعي من السنـي
حد المطيـه وروضهـا وعقلهـا
وإن جات ترفد بفزعة هن ابن هني
إرتاح فالمجلس المفروش وأزهلها
حنا هل العلم وأهل السن والعنـي
بسيوفنا كـل مـا ملـة نعدلهـا
ومهاترات الصحافـة ماتزعلنـي
بعد إختلط عـج حابلهـا بنابلهـا
زيف وتماثيل لاراحـن ولا جنـي
عطها صحافـة خليجيـة وتنقلهـا
لو تنعرض قصة سرحان والجنـي
لحسين عبدالرضا يمكـن يمثلهـا


(هفوات وامجادي)

لاحصل في الوقت هفوات وامجادي
يـا مجاهيـم الزمـان ومغاتيـره
ما تغير شي من طبـع الاجـوادي
والموارد كـل دلـوٍ علـى بيـره
عيشة الدنيا تبي صبـر واجهـادي
لين راعي الذود يبهل مصاريـره
والزمان يدور هجـري وميـلادي
والورق الاخضر تغرد عصافيـره
لي ثلاث شهور سـراد مـردادي
اجتلد والحلـم ياصعـب تفسيـره
والرياض ان جيتها جوهـا هـادي
للشبـح وقفـه ولفـه وتـدويـره
عند قصرٍ يعتلي الحي من غـادي
حالفٍ انه مايوقـف علـى غيـره
لو يغيب هلال شعبـان وجمـادي
مالي الا احط ديـره بـدل ديـره
وان دعاني سيدي جيـت متحـادي
باسبورتي ما يبي غيـر تاشيـره
والتكيت مقصوص والصبح ميعادي
في مطار العاصمة ماش تاخيـره
ركبو الركـاب والنـور منقـادي
واعلن الكبتـن وشغـل مواطيـره
واستدارت حسهـا حـس رعـادي
كنها وضحاً ترزم علـى ضيـره
وارسل الكبتن مع برج الارصادي
وتلهـا يـم السمـا لعنبـو غيـره
ما تكيـف كيـف دلـه وبـرادي
ما يكيف راسـه الا مـن البيـره
والمسافه كلهـا وضعهـا عـادي
ناصـيٍ شيـخ ٍ تبشـر تباشيـره
يوم اقبل منكبـه ثالـث اعيـادي
كل يـوم يـزود حبـه وتقديـره
نفح جوده نفحة المسـك والكـادي
اتجمل وابذل الخيـر مـن خيـره
وازبنه لا حدني في الزمن حـادي
لا حصل في الوقت هجمه وتمريره
اعتلي راس الجبل واترك الـوادي
لا حدر سيل الجبل مـع محاديـره
يا نهر دجله ويـا شـط بغـدادي
لا قصر موج البحر عن بوابيـره
عيلـمٍ يقطـع ظمـا كـل ورّادي
وفي غنا عن كل مدحـه وتبريـره
سمعته مثل القمـر نورهـا بـادي
فـارضٍ نفسـه بطيبـه وتقديـره





 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
الثقيل , الشاعر or سلطان , الوزن , ديوان , وسام


الذين يشاهدون محتوى الموضوع الآن : 3 ( الأعضاء 0 والزوار 3)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:16 PM


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
سعودي كول