مطلق بن ناصر ( قصائد وفرائد )

يتعلق بشعراء القبيلة القدماء والمعاصرين


إضافة رد
 
أدوات الموضوع انواع عرض الموضوع
#1  
قديم 02-10-2009, 03:15 AM
سيف العشق
مشرف سابق
سيف العشق غير متواجد حالياً
قـائـمـة الأوسـمـة
العطاء والحضور المميز

لوني المفضل Brown
 رقم العضوية : 84
 تاريخ التسجيل : 17 - 6 - 2008
 فترة الأقامة : 3464 يوم
 أخر زيارة : 03-18-2013 (05:11 PM)
 العمر : 36
 المشاركات : 2,807 [ + ]
 التقييم : 100
 معدل التقييم : سيف العشق will become famous soon enough سيف العشق will become famous soon enough
بيانات اضافيه [ + ]
Oo5o.com (5) مطلق بن ناصر ( قصائد وفرائد )



نقره لعرض الصورة في صفحة مستقلة


المعروف لا يعرف


مطلق بن ناصر بن مطيع آل طايع الهاجري (( شاعر بني هاجر ))

من اقوى شعراء الجزيرة وابدع في جميع طروق الشعر

يحفظ له اغلب الناس ويبحث عن جديده كثير من الناس

مشهور جدا في الساحة الشعبية رغم عدم ظهوره الاعلامي

يلقبه اكثر شعراء الساحة الشعبية بشاعر بني هاجر الاول وبعض نجومها يلقبه بالداهية

وابو ناصر لا يحتاج الا اي مقدمه انما اجتهاد مني فقط

كيف وهو من يقول :


لا سلت منا يـا سنـد نرقـا سنـود=الحـظ وردنـا القـراح العيلـمـي
حنا بنـي هاجـر عريبيـن الجـدود=حنـا لسلطـان العبـيـدي ننتـمـي
هواجـرٍ نرجـع لقحطـانٍ وهـود=وضياغمٍ سلطـان ابونـا الضيغمـي
وفي المدينـه جدنـا جالـه وجـود=مع صفوة الخلق الرسول الهاشمـي
وفي الجنوب النا مداهيـل وعـدود=يومٍ خشم الذيـب مدهـل ومحمـي
والسّيف حطينا علـى جالـه حـدود=وارسومـه الهيـات يـوم يرسمـي
دارٍ لنا من قبل حكـم ابـن سعـود=مـن زارنـا فيهـا يـرد ويهزمـي
حنا ترانا اللي علـى الزايـد نـزود=واليـا كفرنـا كـل كافـر يسلمـي
حنا هل الرده اليـا هـاب الشـرود=واهـل الجهـام متيهيـن المجهمـي
حنا هل البل من عصر عاد وثمـود=واهل المهار اللي نوطيهـا الرمـي
نعن خيل ٍ صفـر والقطعـان سـود=وام حدعشـرٍ مشطهـا فالمحزمـي
واهـل معاميـلٍ وذباحـة قـعـود=وامروبعـاتٍ جعلهـا مـا تهدمـي
يا ما شعينا مـن ديـار القـوم ذود=ويا ما صبغنا العشب الاخضر بالدمي
لازلزل البـارود زلـزال الرعـود=يبيـع ذاك اليـوم عمـره الادمـي
ليا عنا المجمـول مركـوز النهـود=واليا عنـا اللـي للحويـر ترزمـي
لاجرنـا عـودٍ يبـارز كـل عـود=ياويل جلـد الغفـل جـاه الميسمـي
ماقادنا مـن خلقـة الدنيـا معقـود=ما قادنـا الا كـل حـرٍ صيرمـي
والنـاس كـلٍ دون ميقافـه يــذود=كلٍ يقول أبغـا مـن النعـم سهمـي



اشتهر بقوة الوصف وسلاسة المفرد وطبيعة البيئه التي يعيش فيها في قصائده


من قصائده في المدح :

في الامير عبدالعزيز بن فهد بن عبدالعزيز آل سعود يقول ابو ناصر

يا الامير انتك حلقي وفكيت الزرار=اشتهيت الشعر جدا ومدحك مشتهيه
انت وصفك وصف حرٍ من اخيار الحرار=الخبل ما يشبكه والردي ما يشتريه
وانت غيم ٍ كنه الليل في عز النهار=قدرة الله جل شانه ولحد يقول ليه
وانت من قصر اطوال ٍ ومن طوّل اقصار=اطبخ اللي تطبخه وإشتوي اللي تشتويه
وانت من يفتل قرار ٍ ومن ينقض قرار=وفي سلوبك تاه من تاه والتايه يتيه
وانت رجال ٍ على الدين والمله تغار=واحتميت السلم واللي سواتك يحتميه
من لقا عبدالعزيز بجناح العز طار=ضيقة الخاطر اليا جات غيره ما تجيه
مدته مهوب يا الله تجيب ام الحوار=مدته تبني بها بيت في حي ٍ تبيه
جاتنا في حلها ما ذبحنا الانتظار=مثل غيث ٍ في حلوله وحنا نحتريه
ما عليه اللي تعشى المفطح والفقار=ماحدٍ قبله تعشى عشاه ولا عليه
والله ما ينسى عطايا الكريم الا الحمار=شاعرك بيموت واللي عطيته ما نسيه
كان فـ الحب انتحار ٍ ف انا حب انتحار=اي ورب ٍ كلنا تحت عرشه نرتجيه
مثل عين الشمس كانك تبيها بـ اختصار=انت في جيلك ورب السماء مالك شبيه
لا تقول اني مبالغ تقبلها وقار=تهتوي لك شي ما اشوف غيرك يهتويه
يا سلالة من حكم يجي ثالث امرار=قال هذي ناقتي والخلا يا قوم هيه
يا ولد فهد المعظم معك جنه ونار=استغفر الله معك المهند والجنيه
ما نقول الا فهد ناضره يقدح شرار=نشهد إنه ابوه وان امه احفضته عليه
من ظهر وجهه وهو فـ السعوديه مستشار=ما يشجع كورة اللعب واللاعب بليه
في مهمات البلد من مطار اليا مطار=وللمواطن تنفق ايديه ما تبخل ايديه
العجيب ان النداره تبين فالصغار=كلنا من عاده اصغير شفنا العز فيه
ياطويل العمر يا ابن طويلين العمار=من كلا قلبه حكي لازم انه بيحكيه
انت ابوك يحرر اديار ويعمر اديار=ووالله انه يخرب اديار الاعوج والسفيه
العظيم اللي مدى العمر هاماته اكبار=معه مخ يفرق احزاب والصف يهديه
وانت جدك تخبر عنه شلفا ً فالجدار=اصبح اول عيد والعيد الاخر مقتفيه
من بحرها لبحرها معارك وانتصار=واصبحت من حظ الابطال بيضان الوجيه


وله في الامير سعود بن محمد الكبير والد الشاعر السامر :


يا جعلنا ما نفقد سعود الكبير=وكل ما نكبر كبر معنا غلاه
سمو الامير اللي خويه كنه امير=الامير من طيبه يطيبون اخوياه
يا مزبن اللي ما يعين له مطير=كم ضلل اضلاله وكم ذرا ذراه
ملاذ من شيب به الوقت الخطير=اليا دخل بيته يبشر بالحياه
وشوره يقدي من عناله يستشير=كم واحد ٍ لاعمست الاريا نصاه
هداج تيماء للكبير وللصغير=وكريم سبلا في عشاه وفي غداه
اللي كثير الشعب عين منه خير=والواجبه مهوب يعطيها قفاه
اي والله ان يمناه مغنية الفقير=ويا مغني الفقران يا مال الغناه
هو فالكرم الاول ولاهوب الاخير=ومنين ماوجه عباد الله وراه
هو معطي الموتر وذباح البعير=واليا لقا الغالي على دربه وراه
مثل الجمل لاضاق يغدي له هدير=واليا صفا منه قراح في صفاه
مدح تعدى سعود مدري ويش يصير=وشعر ٍ تعدى سعود قل الله حلاه
اللي ما يسمع به عسى عمره قصير=هو راعي الثنتين مرجلة وصلاه
ما قلتها ادور قليل ٍ او كثير=وانا ترى ماني بقفر ٍ من عطاه
غير الهدايا فزعة اليوم الكبير=اللي دخل عرقه يدور له لقاه


ومن مدحه للامير الشاعر السامر :

يا سيدي عبدالعزيز ابن سعود=مواقفك لا كبرت القاله كبار
لا قلت والله ونعم يا كثر الشهود=والنعم بك والنعم للطيب وقار
شخصيتك ورث الحفيد امن الجدود=وسمعتك رجلٍ ما سمع فيها حمار
فديت خشمك ماعلي امن النقود=طويل عمرٍ من طويلين العمار
معزبي وانصاك لا صرت محدود=لايمين عن قصر النخيل ولا يسار
بشبهك بالغيث محيي كل عود=لنك على درب العلا شباب نار
مدات كفك يا الامير بلا حدود=وفزعاتك اتطول لها احبالٍ قصار
البنك ابو راشد ليا قل النقود=والسيف ابو راشد ليا اسود النهار
لا بيحت سود الليالي بالسدود=عبدالعزيز وبس يعني باختصار
ولد ولد في ذمتي والعود عود=حرٍ ولد حرٍ ومن ماكر حرار
والشعر فـ ال سعود يسهل ما يكود=لا قلت للي ما يصير يصير صار
خويكم من طيبكم يرقى سنود=فـ عيوني اكبارٍ وخلق الله صغار
حبٍ مع الايام ما ينقص يزود=على ما قيل امن الزرار الى الزرار
انتم هل العوجا عساكم فالوجود=اخير ناسٍ جات في خير الديار
يا ال السعود الله يعز ال السعود=ويطول اعمار المعازيب الكبار





وفي السامر يقول :
ياولد من في ذرا قصره ومنّا=يوم شبت فتنة الدنيا شعيله
يا حفيد اللي على العيرات غنّا=واهني العذب منسوع الجديله
كان ياعبد العزيز اتسال عنّا=الوطن والله ما ننسا جميله
والله ان انموت ما بعنا وطنّا=لو نبيع البيت ما بعنا الوسيله
والغنايم جاتنا منّا ومنّا=والفضل لله وثم لأهل الفضيله
من عطاه الله مصافيطك تهنّا=أنت ما قدام وجهك مستحيله
لادعاني سيدي له بأتعنّا=ماعلي من طرقتي لوهي طويله
خوتك يا أمير منوة من تمنّا=وليلة" نلقاك عن تسعين ليله
يا ذرانا يا عصانا يا جملنا=ياالشجاع ويا لكريم وياالدليله
ياسمي امحني السيف المحنّا=بايعوه أهل السيوف امية قبيله


وله ايضا في مدح محمد بن راشد آل مكتوم





سلام يا ثاني رجل فـ الامارات=وحاكم دبي اللي رفع مستواها
شلت المهمه وانت قد المهمات=بقيادتك سبع العواصم تباها
والعز عاده مقبل ٍ ما بعد فات=بالمسك والريحان ذعذع هواها
محمد اللي فاز بالنعم باثبات=محمد ٍ كل المراجل خذاها
المرجله ما هيب كسب وسلامات=تشرى بمال وهو بماله شراها
بين العوايد لال مكتوم عادات=عوايد ٍ ما هدها اللي بناها
من خلقت الدنيا اسود ٍ وسادات=مهمب دون الهقوه الا وراها
وسياسة ٍ ماهيب مثل السياسات=ترضى بها العالم وتكسب رضاها
لا جاته الصعبه تعّود سهالات=ايداوي اللي ما يعين دواها
والفرصه اللي قد تمنيتها جات=نفس ٍ تمنى قربك الله عطاها
مانيب اجي بسكات واروح بسكات=البس الحلوه شعر من حلاها
اللي يبي لذه الامارات لذات=يا حلو عيشتها ويا حلو ماها
سبع ٍ ربطها في بعضها علاقات=صالت وجالت والتكاتف عصاها
واللي يبيها لقمة ٍ بالحلاوات=بيدفنونه لقمته ما كلاها
يا جعل يبطي راعي دبي ما مات=منصى وتقضي عازة اللي نصاها
محبتي لدبي ماهي دعايات=كان الغلا يذبح ذبحني غلاها
محمد ٍ بالذات ودبي بالذات=مالي عدو الا عداه وعداها
واللي رفع يا شيخ سبع السماوات=انك قمرها اللي ينور سماها
وشعر ٍ مهوب في محله خرافات=الا بطحاطيح ٍ بعيد ٍ مداها
ما زينتك ابيات زينت الابيات=فيك القصايد يسعد الله مساها
ويا الله يا اللي لك تقام الصلوات=يا منور ٍ باياتك الي قراها
انك تعز دبي شعب ٍ وقادات=وانك من عيون الحسود تحماها

وله ايضا في محمد بن راشد



سلام الله على اللي عند راسه راشد ابن سعيد =وزير الجيش ولي العهد راعي دبي ابن مكتـوم
محمد ليلـةٍ تلقـا محمـد مـن ليالـي العيـد = عساه يدوم واللي كنـه محمـد عسـاه يـدوم
ومن حطك على يمناه يا محمد مهـوب وحيـد = ومن اللي نام يا محمد بضفـك يهتنـي بالنـوم
يبو راشد على قولة ذوي هلال يـا بـو زيـد = يبو الشعب الاماراتي وابو شعب الخليج عمـوم
عسى اللي ما تحمل بمثل شخصك ما تجيب وليد =اشوفك فالسماء واشوف خلق الله قمر ونجـوم
لقينا قصر ابن مكتوم كنه مخامس ابـن مهيـد= ينادي بالعشا والضيـف كنـه مسيـرٍ معـزوم
على بيبان قصرٍ بني في زعبيـل لامـه سيـد = اليا منه جلس يا فرحـة المحتـاج والمظلـوم
وريس ميد حارس ميد فارس ميد شاعر ميـد = ولا يخطي ولولا الكفرقلت امن الخطا معصـوم
بعير الحمل داب الجحر ذيب الغار طير الصيـد = فطينٍ كنـه يقـرا فابـن آدم سـره المكتـوم
له قلبٍ مهوب ابله ولـه كـفٍ مهـوب زهيـد= وله شخصيةٍ من تشخصه ما عـاد رد علـوم
اليا منه قسا مـا لان قلبـه لـو يليـن الحيـد = ولامنه رحم يا رحمة الحاكـم علـى المحكـوم
هو اللي لو يشل الكيد راسه في مكـان الكيـد = وهو اللي لو يشل الزوم راسه في مكان الـزوم
من وصوفـه بحـال قريـبٍ ولا بحـال بعيـد = توصف ما توصف شيخ دوله والمراجـل كـوم
حظيظٍ لو لحق ما لحق جده كان حـاش الفيـد = قطوعٍ لو لحق مالحق جده كان حـاش القـوم
الا يا طير شلوى واخو شمـا والوكيـد وكيـد = سمو شيخٍ فعل والناس تكفيـه وعـداه اللـوم
مزايـاك الحميـده مالهـا قيـسٍ ولا تحديـد = عسى إحسانك يبو الاحسان تدفع يومك المحتوم
تراك الحاكم اللي يندمج فـي مدحـه القصّيـد = مدام الطيب فالحاكـم توفـر والـردى معـدوم
وابوك وخالك الحكام جيـدٍ بيـن جيـد وجيـد = ومن راشد اليا زايد مـن المرحـوم للمرحـوم
يا حب الناس لك واسمك يردد بينهـم ترديـد = يا حب الشعب لك محبة عباده صـلاه وصـوم
لزمت الجيش واللي ما تجنـد شجـع التجنيـد = وقدت الطايره واقبـل عليهـا حامـل الدبلـوم
وراك الشعب كله والسنته تقول ويـش تريـد = لو تعوم البحر بيعومه اللي مـا يعـرف يعـوم
الا يا السمعه اللي كل مـا زاد الزمـان تزيـد = والا يا الشيخه اللي سرج مذعوره وحربة روم
قطعت البيد لـدبي العزيزه مـا حسبـت البيـد = ولو اجلس لي سنه كنها شهر والشهر كنـه يـوم
لو اني مقيدٍ رصيـت لـدبـي وقطعـت القيـد = احبه مثـل حبـي للريـاض وجيّتـه ملـزوم
عسى العايش يعيش سعيد والميت يموت شهيد = يا حكام البلاد اللي لكـم بيـن السلـوم سلـوم


ومن قصائده الشهيرة قصيدته في الامير علي بن ماضي بن طعزه

يابو عبدالله ولد ماضي علي=يابن طعزه مقدم الجمع الكبير
شيخنا ياجعل ياقاك الولـــي=لالبست البشت عالجت الخطير
انت ملجا لازبنك المبتلـــي=وانت قدوه لانصاك المستشير
وانت من قمة جبل متسلسلي=ماوردت العد بالحبل القصير
سمعتك مثل الطويل المعتلي=في عيون اللي على ارض الله يسير
ياشريطي المطيه والطلي=ايت في فودة علي وابشر بخير
ناجدً يضحك وباب مدهلي=مايصك الباب عن ضيف وقصير
وان وقف ياقف وميقاف صملي=وان عطت يمناه مغنيت الفقير
كم فك من اعجمي مقفلي=وكم شربنا من مصافيطه غدير
يجذب كبار الخصم جذب الدلي=ويرد ميدان الحجج ميراد بير
وياثقل دمه ولو انه يغلي=هو مهندسها اليا انحاس المرير
الله الله يارفيع المنزلي= تعشق المعشوق وتحقر الحقير
يافرح صدر يغوض ويمتلي=ويافرج من هو على ذاك السرير
من دخل مجلسك همه ينجلي=عندك الحكمه وتقرير المصير
مايسكر في نحرك المدخلي=لادحمت الباب ماردك خفير
وان صهلت يهجد كل مبلبلي=وان غدا منا البصر فأنت البصير
ياموردنا قراح منهلي=والمغره ماتغر الا الغرير
ويازعيم لازعل ماينولي=ويارفيق لارضا داوا الضرير
يدجر الشاعر ويقوى المزملي=والمعاني قادها سلك الحرير
يا الامير الشعر فيك يزلزلي=نفح جودك مثل نفحات العبير
في القبر مالي صديق الا عملي=وعلى قيد الحياه انت العشير
مايوصلني مداي الا جملي=كل ماطال المدا قب الهدير
من خلقنا ماتلقينا الخلي=فالعصر الاول وفالعصر الاخير
سيفنا اللي ننقله ويجملي=عند حزاته يسل من الجفير
منزلتكم عندنا ماتنزلي =ياسلالة مروي السيف الشطير
اعربً لاقيل ربعي ياهلي=اعتزو بالشعث والصاير يصير
علي لامن شاش علي يهولي=وغير علي من يشوش وعلي غير
مايمد ايده على صحون الجلي=دور ايده عند نسنوس البعير
والعقال منكسً وميلـــــــــي=فوق راسً ماخلقه الله صغير
لاقلط مايحتمله الا الملي=ماتقول اقلط على قطعة حصير
وياشنبً عند المواقف يفتلي=ويافوادً لانوا مايستخير
لو شفعت لقاتلً مايقتلي=للسلط سلطه وللخبره خبير
وماضي التالي وماضي الاولي=فيك منهم ياعلي شيً كثير
لو ابا وصفك وصفك يذهلي=كنك داب وكنك ذيب وكنك طير
واستغفر الله قبل تكتب علي=انت تشفع لامتك من زمهرير
والله مالك في بني هاجر حلي=الحميا لك فقط مالك خشير
انت اميري دون نارً تصتلي=وانت اخوي اترجم اللي فالضمير
والبخيل اللي بجاهه يبخلي=وانت جاهك فالنهار القمطرير
مرحباً بك يوم شفتك مقبلي=في انتظارك من شريق اليا عصير
يالزوم الشعملي فالشعملي=كيف اعذرك وانت ابن عشرين امير

وله قصيدة اشتهرت في ابن شعيفان من سبيع

كما يتوق امن الشياهين قرناس= يتوق قــلــبــي لــلـجـديـد ويــجــيـده
مــا نـيـب فـي الـعِرف اتـهجس تـهجاس=ابــيـع واشـــري فـــي الـعـلـوم الـوكـيده
ولـحـتجت راي انـصا بـديهين الـحساس=واســتـد بـريـا اصـحـاب لـريـا الـسـديدة
الـلـى لـهم فـي الـعرف سـاس ومـغراس=الــجـيـديـن اهــــل الــســدود الــجـويـدة
الــراي خـيـر وشــر مــن راس نـبراس=مــاهـوب مـــن روس الـقـلـوب الـبـليدة
واعـــوذ بـالـرحمن مــن كــل وســواس=واهــبــي الـشـيـطـان واشــــرار كــيــده
الله هـــو الــلـي فـــي فـضـايله غـطـاس=ونــفـسٍ تـجـاهـد فـــي سـبـيـله شـهـيـده
والـيـسر يـجـلى الـعـسر كـتـام الانـفـاس=وتـــبــدل الـــــروح الــشـقـيـة سـعـيـده
عـيد ارمـضان الـلي مـضى طـيّر الباس=الـخـير فــي هـلالـه وفــي هــلال عـيده
طـــاح الـمـطـر مــعـاد يـعـتـاز عـسـاس=كــــــلٍٍ يـــربّـــع مــالــربـيـع ابــجــيـده
قامت محاحيل المرس تضرس اضراس=صــلــب وصــلـبـت الـشـمـال الـشـديـده
صــلـفـن هــواهــا مـاهـواهـا بـنـسـناس=هـــــواً نــفـيـضٍ مــــن ديــــارٍ بــعـيـده
واهــــل الـنـجـور ادنــهـا دن لــجـراس=الــرمــث يــحــرق والـمـبـاني صـمـيـده
ويـن انـت يـا نـاصر ترا الوقت حساس=لـشـهـر تــطـارد بــيـن يـــوم وطــريـده
مـثـلك بـغـيت انـعـس ولا جـاني انـعاس=افـــرد بـــي الـتـفكير فــي أشـيـا عـديـده
فـــي عـازتـك كـاتـب ومـوقـد وحـمـاس=مــابـه عـضـيـدٍ مـغـتـني مـــن عـضـيده
الــنــوم لــــوم وشــبـه الــنـار نــومـاس=لــحـق عــلـى نـــارك حـطـبـها وزيـــده
اجـمـع لـهـا جــرومٍٍ مــن الـرمث يـبّاس=نــطـرد بــهـا ســبـرا الـبـطـين وجـلـيده
ولــيـا قــربـت مـــن الـمـعاميل لا بــاس=انــتـاش مـــن صـنـدوقـها الــلـي تـريـده
مــطـرافـتـيـن ودلــتــيــن ومــحــمــاس=والــشــت والـمـلـقـاط والــنـجـر وايـــده
وعـويـديّـن يــطـرد خـــوا كــل رمّــاس=وحــسـاويـن فــــردة اخــلاصـه فــريـده
والـمـا تـلـقا لــه مــن الـسـحب بـطـياس=امـــــن الــسـحـابـة لـلـمـعـامـيل ســيــده
الــدلــة مــــا نـاشـهـااهـجار واشــمــاس=بــالــنـار والـــبــن الــيـمـانـي عـهــيـده
كــاري وكـيـف الــراس مـفـتاح لـوناس=انــــا وهــــي مــثــل الـصـغـيّر وديـــده
احـمـس ودق ولا يـجـي فـيـك هـوجـاس=اتــنــوش مـحـمـاسـك إلـهـبـت الـوقـيـده
ولــقّــم وزل وحــــط لـلـهـيـل حـبــاس=الــيـفـة الــلــي جــلــد جـــذع وجــريـدة
والــيــا تـقـهـويـنا وطــــار الـتـعـومـاس=الــفـصـل الاول عــيــد نــــاره وعــيـده
والـقـط جـمـرٍ مــن مـجمرن لـه تقيباس=ســـاوه عــلـى الـمـدخن وحـيـده وحـيـده
واشـقـر مــن الـجـاوي كُـبر سـلة الـفاس=شــقـر الـعـصـا لا تـكـسره كـسـر حيـده
وجـب الـسحال امـن الـمصاغير تـرّاس=الــلــي لـبـنـهـن حــلــو نــيـلـه وعــيــده
واسـحـب لـنا مـن بـتري الـجيب كـبّاس=حــطــه عـلـيـه وشـنـكـره فـــي حــديـدة
وحـضـر قـلـم يــا نـوم عـيني وقـرطاس=شــرد الـمـثايل تـنـقبض قـبـض صـيـده
ان مـا صـخرت ابـلس عـلي كـل بـلاس=مــابــي الـنـشـيـدة تـعـتـرضـها الـنـقـيدة
والـشـاعر الـلي فـي الـمثايل لـه ارمـاس=ايـفـيـدني فـــي بــعـض الاشــيـا وفـيـدة
نــشـيـدة الــشـاعـر لــهـا وزن وقــيـاس=ومـــدح الـمـديـح يـــزود مـلـح الـنـشيدة
بـمـدح مـديح اصـخي كـف وقـوي بـاس=ومـــن خــيـرة الإســـلام ديـــن وعـقـيدة
وزعـيـم والـبـاس الـزعـامة لــه الـبـاس=تـــوفــرت فـــيــه الــمــزايـا الــحـمـيـدة
أبــو اثـنـين الـلـي تـسـولف بــه الـنـاس=مــقــدم شــمـل مــاهـوب مــقـدم بــديـدة
لـــه الـزعـامـة مــن قـديـمٍ عـلـى ســاس=اعـــلّـــم الـــلـــي يـحـسـبـنـها جـــديــده
انـكـان شـيـخ الـشـمل راسـن فـهو راس=مــنـهـو كــنـيـد أبــــو اثــنـيـن ونــديــده
روسـن تـروس الـروس مـا هيب تراس=روس الــجـمـالـيـن الــكــبـار الــعـنـيـده
خـيّـالـهم يــاخـذ عـلـى الـخـيل مــرواس=يــــوم الــقـنـا ذخــــر الـكـنـيـد لـكـنـيـده
فــرسـان لاركــبـوا عـلـى قــب لـفـراس=وكــرمـان يـــوم ان الـمـراجـل امـكـيـده
والـيـوم عــاد الـمـاس مــا عـوّد انـحاس=كــبـيـرهـم شـــيــخ وولـــدهــم ولـــيــده
فــي مـجـلس الـحـاكم لـبواثنين مـجلاس=مـسـلـط خـــوي ابـــن اســعـود وقـعـيده
ورايــه يــدوس اريــا ولاهــوب يـنداس=نــنـشـد مـــن الـجـيـد ونـــدري ابـجـيـده
مــاهـيـب عــــرض لـلـغـنايم ولــفـلاس=والــلــي مــحـمـد وامــتـه مـــن عـبـيـده
أشـــعــاري اجـــــداد وجــمـايـلـه دراس=وهــدوه مـسـح ديـنـي وهــدوي قـصـيدة
اهـداء عـلى كـومن من المال في اكياس=رصـيـدي الـلـي راصــده مــن رصـيـده
اوفــيـت مــنـه نـــاس ومـسـلـفن نـــاس=وعـطـيـت نـــاس وعـــاد مــنـه شـريـدة
بـيـن الـرجـا يـا مـسامر الـبرق والـياس=مــا واعــد الله بــه يـجـي فــي الـوعيدة
ومــا ضــاع غـير الـحق تـدفنه لـطعاس=ومــا فـقـد غـيـر الـديـن مــا هــو فـقـيده
الـلـي طـمـسها الـوقـت والـوقت طـماس=وبــغــت تـبـيـد بــهـا الـسـنـين الـمـبـيده
كـانـت تـصـور لـي عـواكيس وانـحاس=وتـشـيـل فـــي نـفـسـي لـنـفـسي حـقـيـده
وبـالعكس صـارت حظ ماهوب عوكاس=الله وفّـــقـــهــا الـــنـــوايــا الـــرشــيــده
وفــيــت يـــا حـــلال مـفـتـول لــمـراس=ومــدّيــت يــــا مــــال الـغـنـاة الـمـديـده
لــو حــط لـهـل الـمـد كـاس مـن الـماس=ويــحـط كـــاس الــمـد فـــي راس مـيـده
ابـــن شـعـيفان الـمـرشّح عـلـى الـكـاس=ــو راعــي الـجـزلة مـاهـيب الـزهـيده
ايـقـظ حـمـل الـلـي شـكـا ضـيم الـتعاس=ويــحــل قــيــد الــلــي يــدفــدف بـقـيـده
قـلـته واقـابـل فـى الـعطا مـا لـه اجـناس=ســولـف يـــارادو واكـتـبـي يــا جـريـدة



 توقيع : سيف العشق

!! آنــا وآلعذول آللي يقول إتركه وآنساهـ !!
!! سوآة آلمريض آللي يحآكيه متعآفي !!


آخر تعديل سيف العشق يوم 02-10-2009 في 05:23 AM.
رد مع اقتباس
قديم 02-10-2009, 03:16 AM   #2
سيف العشق
مشرف سابق


الصورة الرمزية سيف العشق
سيف العشق غير متواجد حالياً

بيانات اضافيه [ + ]
 رقم العضوية : 84
 تاريخ التسجيل :  17 - 6 - 2008
 العمر : 36
 أخر زيارة : 03-18-2013 (05:11 PM)
 المشاركات : 2,807 [ + ]
 التقييم :  100
لوني المفضل : Brown
افتراضي



واشتهر بقوة الرد على الشعراء

ومنها هذي الرديه مع الشاعر متعب الغربي العتيبي الله يرحمه :

يا مطلق الطايعي عيّت تفيد العلوم=كم واحدٍ حاول العقدة ولا حلّها

وكان رد ابو ناصر كالعاده رائع ومميز

اتلوم وقتك ولا تلاّم ياللي تلوم=الوقت سيفٍ علينا سلّته سلّها
لو يشبع البطن زاد وتشبع العين نوم=ما تشبع النفس والعليا تخيلّها
دنياك ياللي على الدنيا تشن الهجوم=دنياك مخلوقتن لك ومخلوقن لها
العالم أحد وأحد والوقت يوم ويوم=دنياً دنيّة تملّلنا وبنملّها
يا متعب الغربي البيدا تبيد العزوم=اللي يحمّل حمولته يحتملّها
ما ينّجم راس رجّالٍ يعرف النجوم=اللي يعرف النجوم اليمّة يدلّها
منادقن بالحكي ومنادقن بالخشوم=عاشت عليه أكثر العربان وافطن لها
هذا زمان الرخوم الله يعز القروم=اللي تزيّن لمزيونٍ تزيّن لها
مضيّعين المذاهب مخلفين السلوم=ريال عن دينها وريال عن دلّها
قدّامك تصير رَبع وخلفك تصير قوم=لا جمّل الله حال اللي يجاملّها
توفّر الكذب لكن الصحيح امعدوم=والكذب ما قوّم الساعة قبل حلّها

وله ايضا رديه مع الشاعر الكبير ضيدان بن قضعان وهي مشهوره ايضا
وسببها

ابيات قديمه سنة 83ميلادي لمطلق يقول فيها :

كمّل جوازي من ختوم النويصيب=وكل الختوم اللي لقيتوا ختومه
لا منه بودّي ولا منه بجيب=راعي لزوم ولا انقضى له لزومه
ودق الختم فوق الختم ماهو بعيب=ختم الحكومه في جواز الحكومه
لاكون من وقع يوقع بترتيب=مالدت الطرقي وظاعت علومه

وعندما ارسل ابن قضعان قصيدته اللي يقول فيها :

كمل جوازي من ختوم النويصيب ... واخذت من عند المحافظ بطاقه

رد ابو ناصر :



ضيدان إبن منصور يا عيّ يا صعيـب= سمـاك الأزرق صافـيٍ لـك زراقـه
واللي كتبـه الله مـن الله مكاتيـب= سِجّ القـدم واللـي يلاقيـك لاقـه
خابرك لعيون البنـي منـت بتهيـب= لمن طـرى لـك هومـةٍ وانصفاقـه
واللي يجي تهريـب ويـروح تهريـب= مـع السواريـق يتسـرّق اسراقـه
جيبٍ يـودّي بيـن حدّيـن ويجيـب= تحت القمر والشمـس يبـرق براقـه
وانا أدري إنك إنسان ما تعلم الغيـب= ودّك بقـرب الشـر والا افـراقـه
ما افتنك لو القصر ما عنـه تجنيـب= والفتنة اللـي مثـل هـذي اطقاقـه
غزيت كنّك غازي الفطّـر الشيـب= والسالفـة بينـي وبينـك ادقـاقـه
أقلط علـى مـا ربّطـوه الجلاليـب= ربق الغنـم للضيـف نخلـي ارباقـه
قبل الشحم هيل وعقب الشحم طيب= وأهلا وسهـلا بيـن فاقـه وفاقـه
من يجهله قـدر اللحـا والاشانيـب= هذاك من عـرض العلايـق اعلاقـه
إبك الوفا بالعون ما بـك عذاريـب= يمنـاك مغـرافٍ وخاطـرك طاقـه
لجيـت ابوصّفـك رِيّ المحـاديـب= قضعان فـي راسـك بركـة ومحاقـه
وحِلفنـا علـى نبـي الله شعـيـب= ويمكن على المهدي يصيـر انشقاقـه
أنتم غرام اللـي نـوى بالاجانيـب= وحنّـا مـلاذ اللـي عليـه انزناقـه
أنتم وحنّـا مـا نطيـع الزواريـب= وكلٍّ على مـا قيـل حمّـاي ساقـه
سكّين ياسر رزق هاشـل ادغيليـب= يلحـق عليهـا بالمبـارِد إلحـاقـه
يالشاعر العجمي غريـب الاساليـب= عمـر المنافـق مـا يسـرّه نفاقـه
الاديب أديب الشعر ياديب ياديـب= نلعـب إجـداده ونتحفّـظ اعتاقـه
للصدق تصديقٍ وللكـذب تكذيـب= اللي تلصّـق نـدري انهـا إلصاقـه
طوّلتهـا قصّرتهـا تجـرة الجـيـب= وردٍ ولا يكفـي مـن الـورد باقـه
وإن جعت يا محرّم لحمة القصاصيـب= صيد الرمايـة غيـر صيـد الحداقـه
قِـدرٍ مطبّـق لـو تحتـه مشاهيـب= محـدٍ بـداري وش تحـت الطباقـه
دنيا العجايب والعجـب والتعاجيـب= للمنطلـق فيهـا عليـك إنطلاقـه
عصا الإمام اللي حكمهـا امشيعيـب= والغرب من هـدّاج يـروي إشلاقـه
الأمثال تضرب مثل شيبٍ ولا عيـب= ماهيـب مـالٍ مـن تـولاّه باقـه
باضرب مثل وأنت أبعد الشك والريب= المنخنـق خنّاقتـه فــي اخنـاقـه


 
التعديل الأخير تم بواسطة سيف العشق ; 02-10-2009 الساعة 03:26 AM

رد مع اقتباس
قديم 02-10-2009, 03:17 AM   #3
سيف العشق
مشرف سابق


الصورة الرمزية سيف العشق
سيف العشق غير متواجد حالياً

بيانات اضافيه [ + ]
 رقم العضوية : 84
 تاريخ التسجيل :  17 - 6 - 2008
 العمر : 36
 أخر زيارة : 03-18-2013 (05:11 PM)
 المشاركات : 2,807 [ + ]
 التقييم :  100
لوني المفضل : Brown
افتراضي



وله في عزة النفس القصيده المشهورة :
اللي يصرفني الى قلت بجيك=حلفت لو ما ألقى معازيب ماجيـــــــه
يا شيخ أنا غني و أقول الله يغـــــــــنيك=اللي عطاه الله القناعه بتغنــــــــيه
مطامعي متعديات مخابـــــــــــــــــيك=اطمع مزايا الرجل مطمع مخابــــيه
لاجيتك اشحذ قول مانيب مــــــــعطيك=اجيك ضيف واجب الضيف يبغيـــه
هـــــــــــلا وسهلا وارحب الله يحييك=كرامة الضيف يبيها وتقريــــــــــــه
ما قول فيك قصور صيـــــــــتك يكفيك=خايف على حظي ولا نيب مهفـــــيه
وشيخ ولــــــــد شيخ ولا فيك تشكيك=لاشك شيخا لايبيني ولابـــــــــــــــيه
لاهوب كرها لك ولادقة فـــــــــــــيك=طبعك يخرب طيبك اللي تسويـــــــــه
منته بأبوي أقول عونك ولـــــــــــبيك=سمّ ونعم وافرح ولاهوب لبــــــــــيه
لــــــــــبيه لو تكتب ثمنها على شيك=حبة خشم جالس ولبيه مافيه
اعلم وادر مافي الــــهواجر صعاليك=شئ ينزل روسنا ما ندانيه
ماحنب للخرده عبــــــــــــيد ممالـــيك=لو تملك الخرده من الهيه للهيـــــه
نذر ويمين اثنين والثالثه ذيـــــــــــك=ما اخضع براسي للمصالح ووطـــيه
نفسي عزيزه فوق سحب السما تيك=أهين نفسي ليه أذلها لــــــــــــــيه
الكنز عـز النفس للأعلى يعلـــــــيك=من عز نفسه للعوالي تعليــــــــــــــه
بصيحلك يا اللي صياحي بيصحيك=اللي بيصغي للنصيحه بتصحـــــــــــــيه
لامنك خليت المـــــــــــــعزه تخليك=مهيب دكان تبيعه وتشريـــــــــــــــــــه
ماشي تمشيها وهي ماتمشــــــيك=ما يمشي اللي يبي ماشي تمشـــــــــيه
يا اللي لك إذن تسمع اللي يوصيك=وصّاك مطلق وابومطلق موصــــــــيه


وله في الغزل القصيده المشهوره ايضا :

التتن دامه في الدكاكين بشريه=بريال ولا بألف ماهو خساره
يامهبلك يامعذربه عند راعيه=من عذربه عندي بينقص وقاره
لاجيت با خليه محتلت أخليه=ما يطرد الهاجوس كود الزقاره
لولاه بوسوس وباأمرض واباتيه=وتشوفني في كل شارع وحاره
مثل الهبيل اللي يضيع البصر فيه=ياكل من الضيقه حبوب الحراره
انشهد انه حلو واللي محليه=راعيه ما تطفي مشاهيب ناره
وراعي الهوا غير التتن وش يسليه=خصٍ ليا منعت عليه الزياره
لاجيت جنبته وأنا كان ناصيه=وحطيت من بيني وبينه زباره
خايف عليه وخايفٍٍ من دناويه=ابطفي الشعله تموت الشراره
وأمصاحبٍٍ جيرانه اللي حواليه=حيلة اضعيفٍٍ في طرفها صقاره
وأحب ضيفة جاره اللي يواليه=القلب يمه والوجه يم جاره
البر لا لا البدو ماني بدانيه=لخضّر مخضر بقلبي خضاره
آليا خلا جال المرير ومضاميه=بعت البداوه واشتريت الحضاره
لي صاحبٍ يغليني اٍغلاي واغليه=من يوم حبيته ودليت داره
ومادام منطوقه فديتك ولبيه=مانيب أفكر في الفقر والتجاره
اسمر لعل البيض تفدى مواطيه=أموت في سكبة عضاه وسماره
واليا ضحك قلبي يفاخت عراويه=علي نذر ما عاد عندي عياره
تنشب عيوني في سنونه وأشافيه=لبعد عن الوجه المليح الستاره
وعرقا على كبدي ولاقلت له ليه=والبزر طامسةٍٍ سماه البزاره
واقول يا شاطر شف اللي تسويه=منيب احسد الشاطرين الشطاره
مابيه يزعل ودي انضّر و أرضيه=لو أحذف نفسي من أطول عماره
وامنول أهذب كلامي وأنقيه=واليوم خاشرت الغجر في الغجاره
هاجوس قلبي مفرد ٍ به ومعميه=عشاي كرز ومرقدي في الغماره


 
التعديل الأخير تم بواسطة سيف العشق ; 02-10-2009 الساعة 03:37 AM

رد مع اقتباس
قديم 02-10-2009, 03:27 AM   #4
سيف العشق
مشرف سابق


الصورة الرمزية سيف العشق
سيف العشق غير متواجد حالياً

بيانات اضافيه [ + ]
 رقم العضوية : 84
 تاريخ التسجيل :  17 - 6 - 2008
 العمر : 36
 أخر زيارة : 03-18-2013 (05:11 PM)
 المشاركات : 2,807 [ + ]
 التقييم :  100
لوني المفضل : Brown
افتراضي



وله ايضا في الرفقه ودروب الهوى نقره لعرض الصورة في صفحة مستقلة:

والله ان قدلي وانا ودي انب الكويـت = فوق جمسٍ نازحات الديـار ينبهـا
ادري اني لا ادخل الديره الحيه حييت = علتي ضيقه وقطع الخرايـم طبهـا
ليت مشاع ابن ناصر يخاويني يا ليت = للكويت اللي تحبحـب لنـا ونحبهـا
من دخل في حوزة الميتين يعد ميت = رافعين الروس دام الهبـوب تهبهـا
وقتنا مهوب للجنجفه هاس وسبيـت = لعبة الناس المساجين ما نلعب بهـا
والله ان اطب في السالميه يا وانيـت = وان اطب الحاره اللي نبيـك تطبهـا
كملت الاعذار والسر من بيتٍ لبيـت = وين بنحصل لنا كذبـة نكـذب بهـا


وايضا:



تبي القصه من اولها ليا اتلاها تعال انبيك=ما دام انك زميلي فـ الشعر والخط والخوهـ
انا معي الرقم وازهم عليك اسبوع واحاكيك=بعد سبع اتصالات اشتبك نوي مع نوهـ
وراح الليل كله جعلني فدوتك يا لبيك=وتراني قد لمحته ملتوي باللوه اللوهـ
وانا لليوم في حيرهـ وفكري بين ذيك وذيك=بعد شكيت فيه انه فتح لي والقهر توهـ
عصاك اللي بيدك لو مثل البرق ما يمديكـ=والا يا لعنبا الجدين من سبقه ومن قوهـ
راعي السكين شاف الموت مافي موته تشكيك=تعزوا عزوة اللي ضرب عانيه على ضوهـ
يا سبحان الذي خلاه قال اللي حصل يكفيك=وراع الحد ما يحتاج روه يا ولد روهـ
ترى منته بتعرفني وانا اعرفك على طاريك=لا عاد الله عرف ٍ جاب سوه ما قضا بسوهـ

وله ايضا:


إيه وصدق ونعم وصحيح واي بالله=احب صيته وضاحيةٍ بها صيته
والله ووالله وثم والله وثم والله=مااسج من شارعه واسج من بيته
وان زارني مثل عاما طابت العله=لو ادري انه مثل عاما تحريته
الموسم اللي يجيني فيه جا حله=إن جا هلا وان قعد بجيه فكويته
سمعت لو نية المكشات منفله=ماجهزوا خيمة المكشات وونيته


واترككم مع باقي قصايده وفرايده نقره لعرض الصورة في صفحة مستقلة وبدون تعليق

لا والله الا شدوا البدو يا ضيدان=وكلِ على ماقيل يبغي مداهيله
وانا اللي يونسني مراسيل ابن قضعان=ومخباي ما يستقبل الا مراسيله
في جوف الهواجر وانت في وادي العجمان=على التيلفون نلحن الصوت ونشيله
ويوم الربوع اعوذ بالله من الشيطان=ونيني ونين ابن الملوح على ليله
انا امن اولا قولة هل الشرق خوش انسان=وذلحين ياخذ قلبي اللي بيومي له
ترى ذا مكاني لعبة الدان والدندان=وراسي فناجيل المحبه فناجيله
يا عد العرب والطرش بسم الله الرحمن=ابرفع يدي يبارك الله في سيله
على قولهم جات الرسايل على العنوان=وراعي الهوى يمسح دموعه بمنديله
على البال يااللي دونك النفد والجيلان=علي بالطلاق اني مسافر من الليله
اوادعك قبل اروح يا مكرم الضيفان=ترى موتري قبل الموادع درج ويله


شفتك و شوفك يوم شفتك يشافي=في ذمتي مالك حلياَ يحاليك
عزالله أنك في المواعيد وافي=وعزالله إني بعت غيرك و شاريك
مادامني وياك و الجو صافي=غصبِ على الحاسد فديتك و لبيك
مدري وش أقول أتسمع و كافي=عندي حديثك نقد و رسالتك شيك
الخافي أمس اليوم مهوب خافي=كاتبك يا مضنون عيني و قاريك
هل تعلم إني في السعي و الطوافي=أرفع يديني و أطلب الله يخليك
أمزح و مزحك يوم تمزح عوافي=نكتتك حلوه يوم أنا ميتَ فيك



وليفي ذبحني كانّي مت ميت فيه=حكمني بنظرة عين والحكم لابن سعود
أنا مغليٍ ما يسمع العذل في مغليه=يا لبّا الطلب لعيون راعي العيون السود
دعاني وباقولّه نعم قلت له لبيه=ولو إنه يدعيني على يومي الموعود
علي بالطلاق إني يا مسعود ماخلّيه=طلاق الفراق اللي يقولون يا مسعود
هذا اللي والله عادني ذالسنة باجيه=أباجيه جيّة ناصيٍ ما يقوم يحود
وباصبر ويا طول الصبر ليه مدري ليه=زمان القهر عايشه ما يدرك المقصود



يا حلو ياللي كل ما حولك حلاوا من حلاك=لجيت باحلّيك مالك حلي والله العظيم
آسف فديتك جعلني قبلك عسى عمري فداك=جيتك كذا يلعن كذا وأقول بسم الله الرحيم
والظاهر إني معك بايعها كذا وإلاّ كذاك=ما جيت ساري غير عندي علم والله العليم
شرحت لك قصة حياتي يا حياتي من غلاك=والخاتمة ودي بشوفك تبتسم والله كريم
يا حلو ياللي كل ما حولك حلاوا من حلاك=لجيت باحلّيك مالك حلي والله العظيم



مرحبا باللي سلامه على شاني=يا بعد كل الاصاويت يا صوته
فزّ قلبي لوني ميّت أحياني=يا حياة القلب ماهوب ياموته
والله إني دالهن قبل يلقاني=بس من فاته كن العمر بيفوته
يوم لاقيته بديره ولاقاني=يا حلاوا سوق ديره وبسكوته
استغفر الله ما كنه بانساني=من املوك الله ويد الله برشوته



لبيه من قلب لطاريك يشتاق = لاكيف قد حنا من الراس للراس
براق سيل وعز واليك براق = من عس سيله مايبشر بالافلاس
وانا معك ماهوب لاحقني ارهاق = لكن هناك ابتبارك على ناس
افراقكم في ذمتي عندي افراق = لكن دست الراي من قبل ينداس
واحتار فكري يوم قلبت الاوراق = كلمتك حساسه وانا كلي احساس


 
التعديل الأخير تم بواسطة سيف العشق ; 02-10-2009 الساعة 04:21 AM

رد مع اقتباس
قديم 02-10-2009, 03:38 AM   #5
سيف العشق
مشرف سابق


الصورة الرمزية سيف العشق
سيف العشق غير متواجد حالياً

بيانات اضافيه [ + ]
 رقم العضوية : 84
 تاريخ التسجيل :  17 - 6 - 2008
 العمر : 36
 أخر زيارة : 03-18-2013 (05:11 PM)
 المشاركات : 2,807 [ + ]
 التقييم :  100
لوني المفضل : Brown
افتراضي





ريح الموتر يروح يا أبونايف=الفروق من الحساء للجيب ساعه
أهل سوق كثرو فيه الهدايف=مالنا في سوقهم شريه و باعه
ودنا بالي سوالفهم طرايف=الجماعه يوم كلن له جماعه
هقوةَ أنك شايفِ ماكنت شايف=شايفِ فرق الوطاه من الرفاعه
رفقت الطيب ترقيك النوايف=و الردي رفقته ما فيها طماعه
ماعلي من قول هيف و قول هايف=اللكيع الله يهنيه اللكاعه
ماحسبنا لثقال و للخفايف=و الغناه الله يعافيك القناعه
ما غدا شيَ أن لحقه الحسايف=جعلها توبه لوجه الله و طاعه





من اولا متهمك بالعرف يا سعيد=واليوم يا سعيد المعرفه لهلها
الله يحمانا من دروب المناقيد=بعض العلوم تخلي العجل يلها
ماني بجيب العيد يا جايب العيد=تقول لي ..كانك على ابوك قلها
الاوله فيدتك يا فايد الفيد=لقمة بعيرٍ عند خشمه واكلها
والثانيه من ناشته حذفة الحيد=وام البشام تدله اللي دهلها
اعوذ بالله من وجيه المقاريد=ويا دبل كبدي ما دري وش دبلها
يكرم لساني من عروض الاجاويد=اشري رضا الاجواد مشري زعلها
واللي بقوله جعلك بخير وبعيد=واللي قبلها جعله والله قبلها



دقايق يا مقر العز وتشوف العمل وشلون=ما دام الله معطيني وذاك الدرب يغريني
تراني همت وان جات الحقيقه شاعر ٍ مجنون=انا لي دين وابغا امشي العالم على ديني


....

ومّر ولي الامر ما حنب عاصين=هذاك لامنه ومرنا نطيعه
يا ذاك انا حرفتها يسار ويمين=ولا جات باسلوب الغرام الفضيعه
ولاني بحافظ منها غير شيين=ضاعت ولا الله جابها عقب ضيعه
اما تكلف يا رفيقي بثنتين=ولا فسرك للعرب لا تذيعه

....

معجب وقصدك تشجعني بمعنى القصيد=ومنك بالذات تصلني نجوم السماء
اسعدتني يوم قلت انت الوحيد الفريد=وانا اتهجس واشوف الما علاج الضما

....

تعينوا للي تناسب حذاكم=هذاك ترهيم ٍ وهذاك ترهيم
لكن ملزوم ٍ نشوف معناكم=اما نشوف الريم ولا ثرا الريم

....

لا تشيل همي في جميع النواحي=لاسرت عريان ٍ ولا سرت حافي
ولا يجزع الطيب بعيد المناحي=يصبر مثل غيره تراها عوافي
....


لا والله ابشر بها يا اللي تدورها=اللي يدور لها لابد يلقاها
دنياك كانك تحب تعيش سايرها=اليا رسم لك حدود ٍ لا تعداها
ما دامت المملكه تفخر بشاعرها=كل الشواعير تحته ويتحداها

.....

لا جات الحقيقه من كريم ٍ ليا محتاج=كبيره ولكن منك محد يتكابرها
انا عمري اللي راح في مشكله واحراج=وذلحين نفسي عمر الله معمرها

....

لا تقولي شغلتك تقدر تزينها=اسف ضميري معيي ما يخليني
تشوف الاجواد وش سوت مجننها=هذا وانا رجل في عرفي وديني

....

انا على شانكم ولا ترى ما علي=لو بالتماني مثل ماهي تمنيتها
ولا قربت الخطر يشهد علي الولي=واشوف شعب الكويت احرارفكويتها


 
التعديل الأخير تم بواسطة سيف العشق ; 02-10-2009 الساعة 03:57 AM

رد مع اقتباس
قديم 02-10-2009, 03:48 AM   #6
سيف العشق
مشرف سابق


الصورة الرمزية سيف العشق
سيف العشق غير متواجد حالياً

بيانات اضافيه [ + ]
 رقم العضوية : 84
 تاريخ التسجيل :  17 - 6 - 2008
 العمر : 36
 أخر زيارة : 03-18-2013 (05:11 PM)
 المشاركات : 2,807 [ + ]
 التقييم :  100
لوني المفضل : Brown
افتراضي




ياحاكمني مثل حكم الحكومه=وقبلك ماحكمني شخص ثاني
انا متحدين ظاعت علومه=ياوامرني ويامنهو نهاني
لولاك القلب ماكثرة همومه=صحيح اني معك ربي بلاني
عسى يانفس مانتي بمحرومه=من المزيون مجلي الثماني
حبيبي ياعل يومي قبل يومه=يمنيني ولاكن ماعطاني
وحالي سمه الحب بسمومه=وانا حالي بألاول مشلواني

ويناقض نفسه

حين قال بقصيده اخرى

يامعاشرين البيض مالي عشيري=عشيرتي ملحآ من الابل السنادي
هي الهوى الاولي والاخيري=سود الحزامي حي ذاك السوادي

....

علمني الوقت لين انهيت تعليمي=وامسيت متعافيٍ واصبحت متعافي
ومحمدٍ نيم كيف اوقّض النيمي=مابيه يسري به الجاثوم يا كافي
يا شايب الظيم عزّي لك من الظيمي=وانا بعيد الهقاوي واظهر الخافي
اللي قسم لك من خيار المقاسيمي=ما ودّي اوضح المعني وينشافي
وليا الحقتني دهاويل العرب تيمي=بينتها للعرب ساعي وطوّافي


....


أتعرفني زين واتعّرف مافي خاطري=لو تهيلون الدنانير مايرخص ثمّين
الشطاره مهنتٍ في يدين الشاطري=ماتظيع الحجه اللي عليها شاهدين

....


الهذاري مايتاجر بها غير الضعوف=ماتربّح من يتاجربها في كل سوق
التعب والحمد لله والشكر مخلوف=والعلوم الباقيه لاصبوح ولاغبوق


....

الوكاد أن كل شيء" ورا قلبك ظهر=لو ودك تجحده مأنت قادر تجحده
علم المقهور منِي يموت من القهر = اجهدي ماهوب طايح ليا طاح اجهده
بس خلك معي ثم الله الله بالصبر = ما نسيت اللي زهمني ويبشر باسعده
أصبر أول شهر ثاني شهر ثالث شهر = ويمكن أن يجيك من واعدك قبل وعده
أكثر الكتاب ما ندخله فالمختصر = كود نلقى كاتب" حي يعطينا يده
قالها اللي ما أثرت فيه عنصرت البشر =لو ما يبقى معه من عربه الا ولده



....



ما دام شددتني وشلون تبقى مقيم = ذي علة" ما تطيب ألا من اعلاجها
تحمَد الله ما دام أن عظم ساقك سليم =كيف أصخي الحاجه اللي كنت محتاجها
ما ودِي انَك تغيشم وأنت ماأنت بغشيم = والناس ماهي بطايعتك على أحراجها

....

الزَين مافيه لاشكَه ولا ريبي = فالزَين ياويش جاب الرَيب والشكَه
من فاز بالطيبه يستاهل الطيبي =ومن حك راسه ظرى راسه على الحكه

....

من انت ياللي على الجوال مشغلني =البيت معروف ليت البنت معروفه
ابا اتعنا ولاادري من يقابلني =خاف اتعنا واللحق عمري احسوفه
لوكان في بعض الاشيا مخلف ظني =خطاك يومك صغير سن ماشوفه
يازين لاتحسب انه خارب فني =تراني اللي تحدا الوقت واظروفه
اوربي ان السوالف مايهمني =عسفت بقعا وجات تخب معسوفه




....

ياللي ترجاني على اثقل من جبل =اصبر على حملك ولو حملك ثقيل
اناعجزت افل بنين مايفل =ولاني منقص من ثمنها مستحيل
هذي تراها العقده اللي ماتحل =لوكان ترسل كل يوم وكل ليل
ابتل بدربك والعسل يرجع عسل =مادام حيل الله غالب كل حيل

....



الطيب ما تستغربه من هل الطيب=حكمه لقاها قبلي اللي لقاها
كأني أعلم الغيب لو ما أعلم الغيب=واللي كتبها تبهج اللي قراها


....



صحيح انَي مقصر وأعتذر جعل العذر مقبول = أبا أسمعك عذري واقبله تكفى على شاني
أنا أشوفك على حق" وأنا ما أجزع من المعقول =وأنا توَي تحديت الزمان اللي تحداني
أعرف اللي على بالك ولا يشغلك يامشغول = ترقبلي من اليوم اوَرا مدري تحرَاني




....



ليا غيَرت رايك روح في دربك ولا شي" صار = تراك اللي تسولف فالغرام وحالتك حاله
كلامي واضح" مثل النهار ولا عليه اغبار = اليا قلت الكلام يحطَه الواحد على باله
على سطور الورق تبقى كماهي والعلوم قصار = وأنا ما أقهوي اللي ياخذ الفنجال بشماله


....

عندك خبر مانيب سافهك حقران = لكن ما ادري ليه أغمض بعيني
ولا تثمنها ترى مالها أثمان = كنها من أمثال العرب لوليني
انته ليا ضاقت جملنا بليهان = لاهيب لامرّه ولا مرتيني
أحسب حسابك في مقابيل لزمان = انته عوين اللي يبي له عويني
واليوم خوي فلان وفلان وفلان = وإن جنبوا يسلم طويل اليميني


....



هيه يالي فيك الآوصاف العديمه=اللسان الجري و العين الجريه
الابتسامه نصر.. و..الدمعه هزيمه=و المواجه حق و الصده خطيه
شاهرٍ سيف الهجر يعني ظليمه=مثل ماتشهر سيوف الجاهليه
ماعنيت إلا على شان العزيمه=لين ضفت البدو من شان أبدويه
العظيم الله ثم انتي عظيمه=وأستغفر الله لا تكتب عليه











وفي النهاية اتمنى اني وفقت في توثيق بعض من قصائد الشاعر الكبير مطلق بن ناصر في هذا الموضوع

واتمنى ان يحوز على رضى الجميع


جمع وترتيب وتنسيق (( سيف العشق ))





 
التعديل الأخير تم بواسطة سيف العشق ; 03-09-2009 الساعة 03:49 PM

رد مع اقتباس
قديم 02-10-2009, 04:00 AM   #7
صاحب السمو
كاتب قدير ومراقب سابق


الصورة الرمزية صاحب السمو
صاحب السمو غير متواجد حالياً

بيانات اضافيه [ + ]
 رقم العضوية : 63
 تاريخ التسجيل :  30 - 5 - 2008
 أخر زيارة : 05-24-2012 (05:17 AM)
 المشاركات : 9,428 [ + ]
 التقييم :  520
 الدولهـ
Saudi Arabia
لوني المفضل : Black
افتراضي



مرحبا باللي سلامه على شاني
يا بعد كل الاصاويت يا صوته
فزّ قلبي لوني ميّـت أحيانـي
يا حياة القلب ماهوب ياموتـه
والله إني دالهن قبـل يلقانـي
بس من فاته كن العمر بيفوته
يوم لاقيتـه بديـره ولاقانـي
يا حلاوا سوق ديره وبسكوته
استغفر الله ما كنـه بانسانـي
من املوك الله ويد الله برشوته



الله الله ..

صح لسااااانه .. عز الله أنه شاااعر ويستااااهل ..

بيض الله وجهك يا سيف العشق على النقل .. ولاتجيب الا العلوم الطيبه دااائماً ..

تقبل تحياتي ..


 
 توقيع : صاحب السمو

آلآ يَا حـبـيـبـي عقب طـول آلبطـى وآلتيـه
........................................خـفـــوقٍ خذيـتـه يــوم قفّـيـت وش حـآلــه
عسى مَا ذبحته عقب مَا آقفيت من رآعيه
........................................وهـــو بــآع صـــدرٍ حـطّــك آلله مـدهــآلـــه

التعديل الأخير تم بواسطة صاحب السمو ; 02-10-2009 الساعة 04:04 AM

رد مع اقتباس
قديم 02-10-2009, 04:18 AM   #8
مبارك ال تواه
عضو نشمي


الصورة الرمزية مبارك ال تواه
مبارك ال تواه غير متواجد حالياً

بيانات اضافيه [ + ]
 رقم العضوية : 743
 تاريخ التسجيل :  30 - 10 - 2008
 أخر زيارة : 04-01-2011 (04:21 AM)
 المشاركات : 318 [ + ]
 التقييم :  103
لوني المفضل : Brown
افتراضي



اعلم وادر مافي الهواجر صعاليك
شئ ينـزل روسنـا مـا ندانيـه
ماحنـب للخـرده عبيـد مماليـك
لو تملك الخرده من الهيـه للهيـه
نذر ويمين اثنيـن والثالثـه ذيـك
ما اخضع براسي للمصالح ووطيه
نفسي عزيزه فوق سحب السما تيك
أهيـن نفسـي ليـه أذلهـا لـيـه

شاعر معروف وغني عن التعريف وقصايده وافيه من وافي

لا هنت ياسيف العشق


 

رد مع اقتباس
إضافة رد

مواقع النشر (المفضلة)

الكلمات الدلالية (Tags)
مطلق , ناصر , وفرائد , قصائد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:13 PM


Powered by vBulletin® Copyright ©2000 - 2017, Jelsoft Enterprises Ltd. TranZ By Almuhajir
HêĽм √ 3.1 BY: ! ωαнαм ! © 2010
سعودي كول