دق طبل الملعبه وعل صوته للصعود ---------- لين يذن الله اكبـر علـى شيطانهـا
يقول الفارس راشد بن دوغان ال فهيد الهاجري رحمة الله قصيدة موجهة الى الشيخ قاسم بن محمد مؤسس قطر
يا طويل العمر شفت اللي حضـــر --- وانهزم راعي الحكي واللي معه
حــــــن جنودك في رخا ولا خطـــر --- صلب سلطان ولا فينا اطمعـــــــه
يقول الشاعر مطلق بن ناصر ال طايع الهاجري
حنا بنـي هاجـر عريبيـن الجـدود --------------- حنا لسلطــــــان العبيدي ننتمي
هواجـرٍ نرجـع لقحطـانٍ وهـود --------------- وضياغمٍ سلطان ابونا الضيغمي
يقول الشاعر مبارك بن حسين المظافرة الهاجري
حنى بني هاجر هل السيف الصقيل -------------الله جعلنا في رفيع المنزلـــــــي
ضياغمٍ لجاء المشوك له زليـــــــل ------------- نقدم على الهيجا لونها تصتلي
يقول الشاعر مبارك بن خالد ال ازيد الهاجري قصيدة يفتخر بنسبة وهي متسلسلة من الجد قحطان حتى قبيلة بني هاجر
من بني قحطان مجرين الجرايا -------------- ضدها تفجاه بمصاب الجرية
ومن عبيدة جنب ممرجت الفجايا ----------- من زعيم القوم والا من حلية
ومن ضياغم سادوا بكل النحايا ------------ واحكموا حتى البلاد الفارسية
ومن بني هاجر امكنت الهوايا ---------------- بترايب ضربها ولا النصية
الشاعر محمد بن بادي الهاجري " رحمة الله "
آلاد منصور هل الطور وعروق --------- لطامة (ن) خشم الحفيف الموالي
الشاعر : سالم الصويتي من الشباعين الهاجري " رحمة الله "
قلته وانا من غلمة آلاد منصور -------- حريبنا دب الدهر فيملاله
الشاعر : دليهي بن عبدالله الكلبة الهاجري " رحمة الله "
وسميـنـا الهـواجـر مـــن طـنـانـا ----------- هجـر منصـور ربعـه الاقدميـنـا
نـسـل منـصـورمافيـهـم مغـالـط ---------- خــــوان ٍ اربــعـــه و مـذربـيـنــا
طريف وعلي وعبدالله علىامـه ----------- يجـي شهـوان زيـزوم الضعيـنـا
وحـنّــا جـدّنــا جـنــب المـسـمـى ----------- وحـنــا روس جــنــب الاولـيـنــا
عـبـيـده امّـنــا مـــا فـيــه مـنـكـر ----------- ولابـــــه ام يـنـكـرهــا جـنـيــنــا
عـبـيـده سـاسـنــا الاول وحــنّــا ----------- عبـيـده فــي زمــان الحاضريـنـا
يقول شاعر لا اتذكر اسمة من الهيازع :
لـي لابـتـن وقـت الـمـلاقـا شـيـاطـيـــــن -------- وقـت الـكـرم والـجـود كـلـن ذكـرهـــــا
ربـعـي هـيـازع مـن هـواجـر سـلاطـيـن -------- مـثـل الـحـرار اللـي بـعـالـي وكـرهــــــا
ناصر بن سعود بن سالم الهاجري يفتخر في نسبة :
هواجر خصيمنا يمه انحول ----------- لا نتقي منه ولا نلتجيله
من صلب سلطان العبيدي له انسول ---------- والجد قحطان الذي ننتميلة
ويقول الشاعر عمير بن راشد ال عفيشة الهاجري أيضا :
ابن يعرب ابنا بأس ونعارة --------- بني هاجر عبيدة نسل ضيغم
لنا التاريخ مثبوت قرارة --------- ومن قحطان ابن هود نسبنا
ويقول أيضا :
سور الجبل حاميه عمن يريده --------- ومحمد اللي لبس تاج المقاليد
ضياغم من روس جنب وعبيدة --------- حنا وهم عصبة بعد وتأكيـد
قحطان أبونا حافظين رصيده --------- هواجر يوثق بنا في المعاهيد
الشاعر محمد بن سيف بن شاهين الشعامل الهاجري" رحمة الله "
ربعي بني هاجر حما كل دنا ---------- الى اختلط عج الرمك مع ضبابها
عيال سلطان العبيدي جدنا ---------- نروي السلايل لا قبضنا نصابها
وحنا قحاطين الى عد عدنا ---------- كبار الخساير ما حسبنا حسابها
قحطان ابونا نفتخر بأفعاله ---------- وافعالـــنا كل القبـــايل ادرابــها
الشاعر العقيد / فهيد الحافرال فهيد الهاجري" رحمة الله "
قحطان ساس العرب وحنا لة اعيال ------------- هواجرمن قبل عصر الصحابة
ضياغم ٍ لا جاء نهاراً فية اهوال ----------- حنا شبوب الحرب حنا سبابه
ويقول الشيخ بن حلاف شيخ السيعد " رحمة الله " من قبيلة الظفير :
إنسألت عنا يا الصويطي قحاطين ------- عواصم ما قيل فينا لفايق
حنا وعبده والهيازع بجديـــــــن ------- لطامة عن حقا كل مايق
يقول الشاعر شالح الخنفري القحطاني في بني هاجر :
شافي ووسام وحمد وابوكبدين ------ ربعك هواجر سعد من هو نصاها
سموك سلطانن سلالة سلاطين ------ تنسب وضيغم من اخيار اشعارها
يقول الشاعر مبارك بن شحيمان ال فهيد الهاجري:
هواجر يأمن من الخوف جارها ------------- وعون الضعيف ايلا ترددت مكاسبة
وأرجع عبيدي ساس جدي وعزوتي ------------- ما نيب من اللي ضايــعات مناسبة
انا من اللي خـــيلها ترهــق العدا ------------- قحطان هم ساسي وقحطان عاربة
الشاعر فلاح عايد الشمري في قصيدة موجهة الى ناصر بن مذكر ال شافي الهاجري :
لابة فرسان يوم الطـــــرادي --------- هواجرا بالكون تكرة ضديدة
هذا ذكر يبن مذكر لاصول الجدادي --------- حنا وياكم بالنسب من عبيدة
حنا بنــي ضيغم كلام وكــــادي --------- وعبدة بني ضيغم وهاجر حفيدة
وحنا معاكم من سنين بعادي --------- اصحاب واحباب ونصح وعقيدة
يقول الشاعر / مبارك بن سالم ال نويمي ال فهيد الهاجري
حنا هواجر ترثة اعيال منصور -------- والجد جنب ومن ضياغم عبيدة
وقحطان جد وساسنا منه مذكور ---------وتاريخنا كسب الجمايل رصيدة
ويقول الشاعر سعيد بن شايع الهاجري :
حنا وعبده نسل ضيغم الاولـــــــي -------------- حنا بني هاجر وضيغم جدنا
من راس قحطان العريب العبدلي -------------- حنا عبيده ما نضيع بدنـــــا
يقول الشاعر فهد بن ناصر ال شافي الهاجري
بمدح ربعي وامدح الجد قحطـــــان -------- ربعي هل الافعال في كل غارة
ضياغم (ن) والجد معروف سلطان --------السلم حنـــا له وللحرب ناره
الشاعر : فهد بن دلباح ال إيزيد الهاجري
ربعي اللي لابدا الازم تبين --------- لابدا وقت العسر والمعضلات
حن بني هاجر عذاب المعتدين --------- الضياغم متعبين المسرجات
من عبيده ضلع قحطان المتين --------- جدنا هودٍ عليه ازكى صلات
الشاعر : هادي بن مبارك الهاجري
من لابتن تعـرف نهـار الملاقـاه ----------- هواجـر تـرد الخطـر ماتبـالـي
والجد سلطان العبيدي حفظنـاه ---------- قحطان تفخر في جنـوب وشمالـي
وكل القبايل وافيه بالمثاراه ---------- والطيب قسمه من عزيز الجلالي
الشاعر خالد بن مبارك السويكت الهاجري
من ساس سلطان العرب انسبتنا ---------- حنا عيال العـود حنـا قحاطيـن
حنا الشكالـه والشكالـه لفتنـا ------------ لفو القريب اللي لفالـه قريبيـن
يقول الشاعر نهار بن محمد بن سحمي ال زايد الهاجري
حنا بني هاجر خلان الاشـــــــدة --------- حنا الضياغم عبيدة نسل قحطاني
تاريخنا امن الخليج الى بحر جده -------- كل العرب تذكره في كل الاوطاني
الشاعر عبدالله بن علوش المسروري الهاجري
ولو حنا شوين ما علينا ------------- زهمنا الجد الاول من جباله
يجي قحطان في لازم عبيدة ------------ وترقى له عبيدة وتحماله
الشاعر :عمير ابن راشد عفيشه الهاجري " رحمة الله "
حنا الذي يضرب بنا الوصف ياسعيد ------------ ضياغمٍ من روس جنب وعبيده
الشاعر : محمد بن علي بن راشد ال سلطان الهاجري :
قله تري حنا كبار المخاضيب ----------- ربعي سلاطين عما كل عايل
ضياغمن مافيه شك ولاريب ----------- وحنا عبيده ياحريب الرذايل
يقول الشاعر محمد بن مطرب المسارير الهاجري
مايزين المـدح وتزيـن القصيـده -------- كون في ربعي وفيين الخصايل
في بني هاجر وقحطـان وعبيـده --------- مثنية الاقوام سول كل عايل
الشاعر : عامر بن راضي الكدادي الهاجري :
هواجر من بني ضيغم عبيدة والنسب قحطان ---------- مراسيل لملك الموت يأمرها وينهيها
نزلنا في الجنوب ونجد برجال وقنا وسنان ---------- على قب المهار اللي المنايا في نواحيها
كما ارجو انني وفقت في خدمت قبيلتي الغالية علي و ايضا في جمع هذه المعلومات التي قدمتها لكم " والله الموفق
05-06-2009, 03:39 PM
بني هاجر القبيلة الضيغمية العبيدية 
العرض العادي
