هذه قصيده لشاعر العرب / سلطان بن وسام ممتدحً فيها
الدكتور / علي بن حمود ال مركوز ع مواقفه المشرفه التي قام بها
لقبيلته
فيما مضى نايب وهاللحين دكتور
والمشط جاهز والفشق فالحزامي
والمعركه طابور يحداه طابور
وخشوم فرسان(ن) تطق العرامي
يفوز فيها اللي بالامجاد مذكور
الليا وعد يصدق والا قام قامي
وان عسمت الاشوار يرجع له الشور
مواقفه تقطع ضما كل ضامي
المر مايبقا على كبد ممرور
ولايشيل الحمل رخو العضامي
يشيله اللي لبركتبه على الزور
عقب الاشده مارضى بالمسامي
منذو ترعرع والمعالي له وكور
عرب المناسب من خوال وعمامي
عزً على عزً ونورً على نور
قبل يجي دكتور ولا محامي
اهم شي الدنفسه مالها دور
الدور دور العز واللاتحامي
من البنينه لاعلي بن منصور
اليا خوالي محتمين الجهامي
وان وصلت ال محمد برابع الدور
يولونها التقدير والاحترامي
واليا بن هاجر وسورً ورى سور
وشريف حرز المعركه والزحامي
واخر مطاف احسب من ال ون للفور
واطلع باسم يخدم جميع الاسامي
والباقيه من غير حقران وقصور
من مرها يقرى عليها السلامي
احد(ن)جناله ذنب ماهوب مغفور
واحد(ن) كسب نعم وشكر واحترامي
وفوز السنافي يفلج صدور وصدور
ولا الردي لو فاز فوزه حرامي
وش ترجي من الثور يمرشح الثور
ثور(ن) معنده غير سرد الكلامي
خله مع مجموعة العمي والعور
وقف بصف اهل الفعول الجسامي
مدام عندك عقل وحساس وشعور
مألله خلق عبده ضحية نظامي
لا يخدعك هيكل حضاري وديكور
ومحاضرت(ن) ماتعدى الخيامي
لا تاكل الحرجه ولا تشهد الزور
وانزع ثقتك من السروق الحرامي
ويحميك بعد احماية الله دستور
ما يقبل التحريف والانقسامي
مدام في جيبك بطاقه وباسبور
على قول الشاعر رشيد الزلامي
حاول تعيش احلام وافراح وسرور
حتى ولو بطنك طواه الهيامي
وقل لصباحيه عمارات وقصور
عيشي فحضً فلوريد يميامي
تحياتي....
فيما مضى نايب وهالحين دكتور .....!!!!
03-21-2010, 03:45 AM
فيما مضى نايب وهالحين دكتور .....!!!! 
العرض العادي
