رجا بن ناصر النجدي الركابين المخضبه :
قال منهو باديً في راس عالي=ويتخير في المثايل ما بغاها
عاش أمير ٍحل عقدات الحبالي=لا مشى في حجة المبلي قضاها
عايد اللي نافل ٍبعض الرجالي=منه شيخان الهجر تقصر خطاها
حقه البيضا لياجاله مجالي=قابض ٍسيرة أبوه اللي مشاها
كنه حر ٍموكره روس الجبالي=من قنص بالحر يفرح في عشاها
دون ربعه ساق جاهه والحلالي=لجنة الخطين جاها ما كفاها
يالعايد نعم يا ساس الرجالي=مبتدا الطولات وأنتم منتهاها
بالمراجل كاملين ٍبالكمالي=قبلكم ماضي على ساس ٍبناها
كم نفوس ٍجا حكمها بالقتالي=ساق ماضي كل ماله واشتراها
راح ماضي وصار من عقبه رجالي=فوق بعض الناس غالي مستواها
مكرمين الضيف في عسر الليالي=وفي الخطر كل ٍتذرى في ذراها
قلتها ما نيب مقطوع التوالي=بس أحب أقول في النشمي غناها